Dende SUATEA entamen a ver con esmolición les actuaciones de la Conseyería d’Educación “que van suponer decenes de despidos o d’amenorgamientos de xornada pa los educadores que trabayen nes distintes escueles d’O·3″, sigún aseguren nun comunicáu nel que piden a la Conseyería atención pal profesoráu asturianu.
Y ye que, pal sindicatu, “ye la Conseyería la qu’afita les plantiyes y ye al Conseyeru a quien correspuende qu’el so mandatu nun empiece con un retayu na atención a los nuesos neños y neñes. La pareya educativa a tiempu completu que defendemos dende SUATEA y el restu d’organizaciones comprometíes col calter públicu d’esti tramu educativu ye imprescindible pa garantizar una correcta atención a les neñes y neños qu’alleguen a estes Escueles”.
La propuesta del Cheque Bebé tamién se critica fondamente dende SUATEA, porque allóñase de lo que defenden y porque “los fondos públicos tienen de destinase a garantizar la gratuidá d’esti tramu educativu y la so integración nel sistema públicu asturianu. Tien de garantizase esti serviciu en condiciones dignes, acabando cola desigualdá qu’esiste dependiendo del conceyu onde s’atope la escuela. Tien d’acabase cola precariedá tamién nesti sector dotando a cada aula de bebés del personal necesariu y a toles escueles d’una dirección unipersonal. Ye un compromisu del nuevu gobiernu y por mor d’ello una obligación pal nuevu Conseyeru”.
Pero la Conseyería tien munches otres xeres pindies que nel sindicatu aprovechen pa que nun s’escaezan: “Recordemos que’l próximu día 21 ta prevista la publicación de les llistes de profesoráu interín que va tener que solicitar plaza’l día 25 nos distintos centros educativos y qu’esiste un centenar de docentes que nun apaecíen nes llistes provisionales publicaes a principios d’agostu”. Ye por mor d’ello qu’esixen a la Conseyería la inclusión de toos estos docentes nes llistes, “víctimes del postreru incidente d’un procesu selectivu llaráu d’erros y de reclamaciones”.
Per otra parte, dende SUATEA puntualicen que n’Asturies más de la cuarta parte del profesoráu de la enseñanza pública ye interín; “siendo dellos años la tasa de reposición inferior al 30 %, llegando dellos años hasta un ridículu 10%. Por ello esisten especialidaes de profesoráu onde lleva ensin haber oposiciones más de 15 años, lo que fai qu’haya docentes con esos años d’interinidá a los sos llombos. Otres como les de llingua asturiana nun tuvieron nunca esa opción. Agora’l gobiernu central, con un anunciu claramente electoralista, fala d’una tasa de reposición del 100%”.Fonte: asturnews
Habiendo tal como esiste una llarga llista d'espera pa matricular neños de 0-3 años, que munchos padres esperen con impaciencia ante la so próxima reincorporación al trabayu tres les sos vacaciones llaborales d'agostu, nun s'esplica como se tán produciendo despidos (n'Avilés por casu) y retayos de xornada ente el educadores y educadores de 0 a 3 años (en delles escueles de toa Asturies). Si esiste una lóxica a esti estrañu fechu que daquién lo esplique, porque nun ye nada bono d'entender.
ResponderEliminarSUATEA habría d'organizase pa representar sindicalmente n'asturianu a les trabayadores de les escueles de 0 a 3
ResponderEliminarYe que nun hai esplicación, ye la "política educativa del Principáu", y da la murnia impresión tea quien tea al cargu de la Conseyería d'Educación asturiana tou sigue absolutamente igual: retayos anque la lóxica y la necesidá indiquen xustu lo contrario
ResponderEliminarAna, pero el Suatea muévese.
ResponderEliminarEl psoe ye l'enemigu númberu unu de la llingua, y asina... a ónde vamos, hermanos?
ResponderEliminar