El Partíu Asturianista (PAS) criticó l'alcuerdu de la FSA-PSOE y IX no que respeuta al asturianu tres conocer qu'ésti va quedar nun aumentu de les competencies a la direición xeneral encargada de la política llingüística. "Lo que se tresmitió a los medios ye, simplemente, que va intentase cumplir la Llei d’Usu y Promoción del asturianu impulsada pol PAS nel 1998 (Llei 1/98, de 23 de marzu) y apoyada nel so día pol PP", apunta especificando los artículos nel que tán incluyíos: “competencies del asturianu en rellación cola Alministración (Llei d’Usu, artículos 3, 4, 5, 6 y 7), col asturianu nel enseñu (artículos 9,10,11) y col asturianu nos medios de comunicación (artículos 12 y 13)".
"Esto ye lo que se nos vien a dicir; que ¡17 años después! va tratase de cumplir parcialmente cola Llei d’Usu y Promoción del Asturianu", continúen los asturianistes, que califiquen de "estafa" l'alcuerdu entre la FSA-PSOE y IX sobre l'asturianu.
Fonte: Asturies.com
Otra pinchada en güesu, otra tomadura de pelo, y yá van... esta pareya de malos actores de teatru negru nun tienen nun tienen nenguna credibilidá nin seriedá pa col asturianu nin coles xentes honraes y crédulas.
ResponderEliminarPero vamos ver, home; qué creéis, en qué mundu vivís, ¿entá esperáis a que los reis magos tráiganvos la oficialidá dende oriente de la mano d'esta xente?, siguíi votándo-yos.
ResponderEliminar