El certame, que vive la so cuarentenu quinta edición, ta dedicáu esti añu a Mannin y Kernow. 140 asturianos conformen la delegación del país yá presente na villa bretona.
An Oriant conviértese dende güei, y hasta’l domingu 13, na capital de la cultura de raigaños celtes gracies al XLV Festival Interceltique de Lorient. Cientos d’artistes procedentes de toles naciones celtes y miles de visitantes dan vida a esta villa bretona nun ambiente de confraternización. Y, cómo non, Asturies torna a ser protagonista al llevar una amplia representación de primer calidá compuesta por casi centenar y mediu d’artistes. A ello hai que sumar la instalación, nel muelle de los países celtes, del tradicional chigre con productos del país, el más animáu y favoritu de llocales y turistes.
Xuacu Amieva va ser el primer músicu asturianu en participar na programación del festival con una clase maxistral de gaita. Va ser mañana, a les 10 hores, nel Palais des Congrès xunto col gallegu Edelmiro Fernández. Trés hores depués, na Quai de la Bretagne, va actuar el grupu astur-bretón Amieva, formáu por el violinista Yann Le Nay, el batería Erwan Ganier, la cantante Clara Diez-Marquez y l’acordionista Fañch Loric, xunto coles bandes llocales Kerdebig, Majan y Robic-Guillarme.
A partir de les 15 hores, tamién nel Palais des Congrès, va celebrase’l tradicional troféu Mac Crimmon, que vive la so trixésima edición. Nesta ocasión, Asturies va tar representada por Álvaro Álvarez Fernández, ganador del añu pasáu, Daniel Meré, Fabián Fernández Fernández y Fernando Vázquez. Tendrán que competir ente ellos y con cuatro gaiteros gallegos tocando temes asturianos, bretones y del país vacín pa ver cuál ye’l meyor gaiteru mozu d’Asturies y Galicia.
Yá pela nueche, a les 22 hores, va celebrase la primer Nueche Máxica (tamién hai sesiones el domingu, el martes, el miércoles y el xueves), llamada anguaño Nuit Interceltique Bretagne, nel campu fútbol del Lorient. Asturies va tar representada nella pola Banda Gaitas El Trasno (Cuaña), la Banda Gaites LaKadarma (Nava) y l’Asociación de Baile y Danza Tradicional Filandón (Uviéu). Estes trés formaciones tamién van poner el sellu asturianu a le Gran Parade des Nations Celtes, el domingu a partir de les 10 hores, el desfile que percuerre les cais de la villa y atrai a una mayor cantidá de visitantes a An Oriant.
Tejedor, Cerezal y Alienda
Tamién el domingu, a les 21 hores nel Grand Théâtre, va actuar el primer de los trés grupos folk asturianos convidaos pola organización del festival, dirixíu por Lisardo Lombardía. Trátase de Tejedor, que va compartir escenariu con los escoceses Breabach.
El llunes, a les 17.10 hores, va tener llugar la proyeición del llargumetraxe en llingua asturiana ‘Bernabé’ nel Auditorium du Cercle St Louis, a lo que va siguir un alcuentru col so direutor, Pablo Casanueva. Mentes, a les 18 hores, va principiar na Quai de la Bretagne la primer sesión del Trophée de Musique Celtique Loïc Raison, enfocáu a grupos mozos, nel qu’Asturies va tar representada por Alienda. Esti certame va allargase hasta’l vienres, siempre a la mesma hora y nel mesmu llugar, siendo la final el sábadu.
El Trasno va participar el martes, a les 14.30 hores nel espectacular Espace Marine, nuna actuación xunto cola formación irlandesa Derryclavin Pipe Band y la escocesa Isle of Cumbrae Pipe Band. Yá de nueche, a les 21.30 hores nel Palais des Congrès, Xuacu Amieva y José Manuel Tejedor van ser los representanes asturianos de la gran nueche de la gaita xunto colos gaiteros Alberto Coya y Edelmiro Fernández (Galicia), Fred Morrison (Alba) y Patrick Molard (Breizh).
El miércoles, tamién a les 14.30 hores nel Espace Marine, va ser el turnu de LaKadarma, que va compartir escenariu cola Bagad de Lann Bihoué bretona y cola New Ross Pipe Band irlandesa. Mentes, el xueves, va actuar Cerezal a les 15 hores nel Palais des Congrès xunto coles irlandeses The Friel Sisters.
El día caberu con participación asturiana nel Festival Interceltique de Lorient va ser el vienres, xornada que Javier Tejedor va abrir a les 10 hores nel Palais des Congrès con una clase maxistral d’acordión xunto cola irlandesa Sharon Shannon. Dambos van protagonizar un conciertu a les 21.30 hores nel mesmu llugar. Mentes, los bailles de Filandón van animar la sesión del Espace Marine de les 14.30 hores, na que tamién participen los escoceses Keltika Highland Dancers, los córnicos Keskowethyans, los maneses Ny Fennee, los irlandeses Planxty O Rourke y los gallegos Trebede. Por último, Cerezal va actuar a les 22 hores na Quai de la Bretagne xunto con Kendirvi Orchestra y Silabenn Trio.
Otra manera, a toes estes actuaciones musicales y la proyeición de ‘Bernabé’ hai que sumar la participación de l’artista Helena Toraño, Premio Asturies Moza d'Artes Plástiques, na esposición Euro Celtic Art cola so obra ‘Las cosas’. Ésta va tener como sede l’Hôtel Gabriel mientres los díes del festival.
El festival, que vive la so cuarentenu quinta edición, ta dedicáu esti añu a Mannin y Kernow. 140 asturianos conformen la delegación del país.
An Oriant conviértese dende güei, y hasta’l domingu 13, na capital de la cultura de raigaños celtes. Cientos d’artistes procedentes de toles naciones celtes y miles de visitantes dan vida a esta villa bretona nun ambiente de confraternización. Y, cómo non, Asturies torna a ser protagonista al llevar una amplia representación de primera calidá compuesta por casi centenar y mediu d’artistes. A ello hai que sumar la instalación, nel muelle de los países celtes, del tradicional chigre con productos del país, el más animáu y favoritu de llocales y turistes.
Xuacu Amieva va ser el primer músicu asturianu en participar na programación del festival con una clase maxistral de gaita. Va ser mañana, a les 10 hores, nel Palais des Congrès xunto col gallegu Edelmiro Fernández. Trés hores depués, na Quai de la Bretagne, va actuar el grupu astur-bretón Amieva, formáu por el violinista Yann Le Nay, el batería Erwan Ganier, la cantante Clara Diez-Marquez y l’acordionista Fañch Loric, xunto coles bandes llocales Kerdebig, Majan y Robic-Guillarme.
A partir de les 15 hores, tamién nel Palais des Congrès, va celebrase’l tradicional troféu Mac Crimmon, que vive la so trixésima edición. Nesta ocasión, Asturies va tar representada por Álvaro Álvarez Fernández, ganador del añu pasáu, Daniel Meré, Fabián Fernández Fernández y Fernando Vázquez. Tendrán que competir ente ellos y con cuatro gaiteros gallegos tocando temes asturianos, bretones y del país vacín pa ver cuál ye’l meyor gaiteru mozu d’Asturies y Galicia.
Yá pela nueche, a les 22 hores, va celebrase la primer Nueche Máxica (tamién hai sesiones el domingu, el martes, el miércoles y el xueves), llamada anguaño Nuit Interceltique Bretagne, nel campu fútbol del Lorient. Asturies va tar representada nella pola Banda Gaitas El Trasno (Cuaña), la Banda Gaites LaKadarma (Nava) y l’Asociación de Baile y Danza Tradicional Filandón (Uviéu). Estes trés formaciones tamién van poner el sellu asturianu a le Gran Parade des Nations Celtes, el domingu a partir de les 10 hores, el desfile que percuerre les cais de la villa y atrai a una mayor cantidá de visitantes a An Oriant.
Tejedor, Cerezal y Alienda
Tamién el domingu, a les 21 hores nel Grand Théâtre, va actuar el primer de los trés grupos folk asturianos convidaos pola organización del festival, dirixíu por Lisardo Lombardía. Trátase de Tejedor, que va compartir escenariu con los escoceses Breabach.
El llunes, a les 17.10 hores, va tener llugar la proyeición del llargumetraxe en llingua asturiana ‘Bernabé’ nel Auditorium du Cercle St Louis, a lo que va siguir un alcuentru col so direutor, Pablo Casanueva. Mentes, a les 18 hores, va principiar na Quai de la Bretagne la primer sesión del Trophée de Musique Celtique Loïc Raison, enfocáu a grupos mozos, nel qu’Asturies va tar representada por Alienda. Esti certame va allargase hasta’l vienres, siempre a la mesma hora y nel mesmu llugar, siendo la final el sábadu.
El Trasno va participar el martes, a les 14.30 hores nel espectacular Espace Marine, nuna actuación xunto cola formación irlandesa Derryclavin Pipe Band y la escocesa Isle of Cumbrae Pipe Band. Yá de nueche, a les 21.30 hores nel Palais des Congrès, Xuacu Amieva y José Manuel Tejedor van ser los representanes asturianos de la gran nueche de la gaita xunto colos gaiteros Alberto Coya y Edelmiro Fernández (Galicia), Fred Morrison (Alba) y Patrick Molard (Breizh).
El miércoles, tamién a les 14.30 hores nel Espace Marine, va ser el turnu de LaKadarma, que va compartir escenariu cola Bagad de Lann Bihoué bretona y cola New Ross Pipe Band irlandesa. Mentes, el xueves, va actuar Cerezal a les 15 hores nel Palais des Congrès xunto coles irlandeses The Friel Sisters.
El día caberu con participación asturiana nel Festival Interceltique de Lorient va ser el vienres, xornada que Javier Tejedor va abrir a les 10 hores nel Palais des Congrès con una clase maxistral d’acordión xunto cola irlandesa Sharon Shannon. Dambos van protagonizar un conciertu a les 21.30 hores nel mesmu llugar. Mentes, los bailles de Filandón van animar la sesión del Espace Marine de les 14.30 hores, na que tamién participen los escoceses Keltika Highland Dancers, los córnicos Keskowethyans, los maneses Ny Fennee, los irlandeses Planxty O Rourke y los gallegos Trebede. Por último, Cerezal va actuar a les 22 hores na Quai de la Bretagne xunto con Kendirvi Orchestra y Silabenn Trio.
Otra manera, a toes estes actuaciones musicales y la proyeición de ‘Bernabé’ hai que sumar la participación de l’artista Helena Toraño, Premio Asturies Moza d'Artes Plástiques, na esposición Euro Celtic Art cola so obra ‘Las cosas’. Ésta va tener como sede l’Hôtel Gabriel mientres los díes del festival.
Fonte: Asturies.com
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.