La iniciativa conxunta presentóse nel Conseyu Escolar del Estáu.
El Ministeriu d’Educación punxo enriba la mesa un proyectu de Real Decreto onde se regulen les especialidaes del profesoráu de la enseñanza Secundaria. Ye un documento de calter técnicu nel que s’afaya normativa anterior a la LOMCE a les nueves materias que se meten nos nuevos currículos.
Al paecer d'estes organizaciones "pa la comunidá educativa asturiana ye un momentu de gran trascendencia en tanto que xugámonos la creación de la especialidá d’asturianu y gallego-asturiano. Ésta ye una reivindicación histórica que supón dignificar l’enseñu d’estes asignatures y igualar les condiciones llaborales del profesoráu que les imparte a les del restu de docentes".
Asina, apunten que "énte una primer negativa per parte del Gobiernu na acabante de celebrase Conferencia Sectorial de Educación, munches de les organizaciones que tenemos presencia na Permanente del Conseyu Escolar del Estáu decidimos presentar conxuntamente delles enmiendes pa la próxima sesión que va ser el 3 de febreru onde va debatise la propuesta del Ministeriu".
Poro, dende CCOO d’Enseñanza, FETE-UGT y SUATEA consideren "qu’ésta ye una oportunidá única pa pañar apoyos qu’algamen que’l Gobiernu atienda esta demanda. Consideramos que la nuestra responsabilidá ye poner tolos medios que podamos pa sacar alantre esi oxetivu. Ye por ello que tamién solicitamos, con carácter urxente, una reunión cola Señora Conseyera Ana González. Ye imprescindible que paralelamente a les xestiones que fagamos miembros de la comunidá educativa, el gobiernu asturiano y especialmente la Conseyería d’Educación actúen cola contundencia y dilixencia necesaries que rique esta cuestión".
Fonte: Infoasturies
Pperbona idega que yá que tenga'l so merecíu premiu. Pero enxamás hai unanimidá nin siquier pa estes coses tan importantes... ¿ónde ta l'Ampe por casu?
ResponderEliminarPaez qu'esisten maniobres sindicalels orquestades na oscuridá nebulosa asturiana, daqué bien raru.
ResponderEliminar