2/1/15

Pola llingua asturiana



Juan José Porta Tajadura (Xixón)

   Dada la urxencia de que la llingua reciba por parte del gobiernu asturianu la oficialidá que tanto necesita y de pasu poder beneficiase de les ventaxes culturales y económiques que reportaría a la población y al erariu públicu, apurro dalguna consideración que bien podría tenese en cuenta por parte de los nuesos rexidores.

   La oficialidá de la llingua asturiana, ye dicir, el so reconocimientu oficial, fai años que tendría qu'habese llevao a cabu polos gobiernos democráticos asturianos, tanto dende la izquierda como dende la derecha. Muncho falaron unos y otros del asuntu pero que nun s'avinieron a consideralu apurriendo argumentos y desplicaciones nada reales nin convincentes, bien porque nun tocaba, nun convenía, o cenciellamente porque nun interesaba. Na actualidá dalgún partíu que sustenta al gobiernu y que paez, sobremanera en dalgunos foros y en dalgunas ocasiones tan solo, tar convencíu d'esta necesidá d'oficializar la llingua asturiana, fala, diz, comenta, paez que sí apoya la idega, pero paez ser de conveniencia namás, porque ante'l temor de nun salir na semeya callen, acaten y secunden al partíu que-yos permite tocar dalgo de poder, anque en ciertes ocasiones, nel Congresu de los Diputaos por exemplu, da la impresión de que s'escaecen de la so llingua con fechos bien bultables.

   Otru tema nel entornu de la enseñanza y n'otros foros culturales ye'l que se refier al complicáu y escasu apoyu económicu por parte del gobiernu asturianu a la enseñanza de la llingua en colexos ya institutos pues cada aniciu de cursu escolar, debátese sobre la falta de profesoráu d'asturianu asina como la conveniencia o non d'apurrir profesoráu d'asturianu enforma a los centros concertaos.

   Esperamos llegar ceo al reconocimientu oficial de la llingua asturiana por parte del nuesu gobiernu autonómicu, que fadría mui bien n'escuchar, non solo oyír, al pueblu que lo reclama por activa y por pasiva.
 
Fonte: La Nueva España dixital

16 comentarios:

  1. Pa la so meyor llectura, reproducimos otra vegada l'artículu. Nun ye un erru.

    ResponderEliminar
  2. Totalmente d'alcuerdu, sobremanera na frase nel últimu párrafu que diz "...que fadría mui bien n'escuchar, non solo oyir...", felicidaes pola carta.

    ResponderEliminar
  3. Pos soi tan partidariu de sorrayar l'últimu párrafu -que fadría mui bien n'escuchar, non solo oyír- como tamién n'afondar nel conteníu del primeru.

    ResponderEliminar
  4. Ye que oyír y escuchar nun tien nada que ver. Son dos conceptos bien diferentes. Pa mí los párrafos segundu y terceru son perimportantes. Llal falllta de profesoráu na enseñanza concertada ye una disculpa d'estros centros pa nun impartir asturianu, asoleyaos pola administración educaiva asturiana.

    ResponderEliminar
  5. Felicidaes por esta elegante carta que ye una esposición -meyor una denuncia- de la situación actual auspiciada polos nuesos ínclitos rexidores.

    ResponderEliminar
  6. El pueblu asturianu cansar de pidir, reclamar, y esixir a quien nun-y escuchen lo que por derechu ye bien suyu y non de la casta que tan mal alministra'l so legáu hestóricu, Curiáu colos desprecios y cola xente despechada que clama y glaya OFICIALIDÁ YÁ.

    ResponderEliminar
  7. Els polítics sí que escolten el que diu el poble... sempre que el poble parli clar i fort. El poble asturià parla prou clar i prou fort?

    ResponderEliminar
  8. Non lo suficiente y asina van les coses.

    ResponderEliminar
  9. David, precísase de daquién con autoridá llingüística, cultural y/o social lidere un movimientu popular a nivel de la cai que la xente abrace pa reclamar pa reclamar la oficialidá. a nivel académicu ta l'ALLA pero que pasa del pueblu. Nesti aspeutu, enagora, non hai nada asemeyao p'arrincar.

    ResponderEliminar
  10. Como diz perbién Juanjo, nunca tienen tiempu pa la cultura asturiana polo xeneral y muncho menos pal tema d'oficialidá del asturianu.
    El problema ye que pa lo qu'ellos consideren importante tampoco lo tienen o tampoco-yos esmolez o peor nun faen na.
    Si va ser verdá eso que dexa cayer Juanjo de que a lo meyor lo que los mueve ye'l dineru que se lleven.

    ResponderEliminar
  11. Al meyor -o a lo peorr- ye que nengún de los políticos del parlamentu fala l'asturianu asturianu y amás de que por desconocimientu nun lo sienten tienen medrana a tener qu'aprendelo porque dulden de la so capacidá intelectual pa poder aprendelo (nin asturianu, nin inglés, nin francés, nin alemán...) ya que son unos negaos pa tou lo que nun sía'l so "poltronaxe".

    ResponderEliminar
  12. Como diz Gimeno i Ayuso para consiguir la oficialidá hai que tener les idees y bien clares y lluéu tou siguíu y ensin parase glayar bien fuerte.

    ResponderEliminar
  13. Mario, preocupeu-vos del moviment popular i no espereu cap autoritat que lideri res.

    Que ja fa molts anys que hauríem de saber que els Reis són els papes...

    ResponderEliminar
  14. Hai que remover conciencies.

    ResponderEliminar
  15. Hai que remover... ¡poltrones polítiques vitalicies!

    ResponderEliminar

Los comentarios tán pendientes de moderación. Espublizaránse lo primero dable.