La conseyera Ana González señaló que'l ministeriu nun dio razón llegal nenguna pa negar la especialidá docente. Apunta a motivos de calter ideolóxicu na decisión de Madrid.
Según una información d'Europa Press, la socialista afirmó ayeri mientres una visita al Muséu de Belles Artes que l'argumentu dau pol Ministeriu d'Educación, Cultural y Deporte foi la falta de la oficialidá, pero ensin nomar nenguna normativa concreta qu'impida crear la especialidá de Llingua Asturiana y Gallego-asturiano.
Asina, González va pidir desplicaciones al secretariu del ministeriu nesi sen y, nel casu de que realmente nun esista normativa a nivel estatal que niegue la posibilidá de reconocer la especialidá, que-y diga la manera de desendolcala a nivel nacional.
Fonte: Asturies.com
La señora Conseyera d'Educación anda echando balones fuera y llavándose les manes cuando bien claru dexar el ministru Wert que tou anicia na falta d'oficialidá. Y la oficialidá depende única y puramente del gobiernu asturianu, esto ye d'esta conseyera. Nun nada éticu tratar d'engañar a la xente.
ResponderEliminarYe la voz del so amu ensín personalidá nin criteriu propio, de militante común, coses bien negres de la política.
ResponderEliminar