Dende’l 1 de febreru d’anguaño, entamó a funcionar una nueva radio online, col enfotu de promocionar a los grupos de rock d’Asturies. La radio pretende consolidase nel tiempu, como una referencia de la música rock d’Asturies, aidando a los grupos y solistes, a promocionar al máximu los sos cantares y temes. Monorock naz col enfotu de pretender ser daqué mas qu’una radio o una web, la idega ye la de creyar un auténticu serviciu pa los grupos y pa los oyentes lóxicamente.
Monorock.net ufierta información de conciertos, ta preparando un gran festival de rock, pequenos conciertos de promoción, y va creyar un ciclu de conciertos online, onde los músicos van emitir en direutu dende los sos llocales d’ensayu.
Monorock emite 24 hores al día, los 7 díes de la selmana, alternando programes en direutu y en diferíu. Anguaño suenen nella, más de 20 grupos d’Asturies, dalgunos d’ellos con dellos trabayos discográficos nel mercáu n'asturianu, destacando asina la calidá de los mesmos, con estilos que van dende’l pop rock, al metal estremo. Monorock ye una emisora ensin ánimu d’arriquecimientu, ensin publicidá, y que nun xestiona nengún cantar que los sos drechos sían xestionaos pola SGAE .
Fonte: Aruelu.com
pémeque que la llingua vehicular d'esta emisora ye'l castellanu.Polo menos nun apaez l'asturianu nes llingües pa esbillar.
ResponderEliminarHabrá que velu.
ResponderEliminarBonu paez que non muncho yo creo que si ye una radio pa promocionar grupos asturianos cola cantidá de grupos de rock qu'utilicen el asturianu la presencia de la llingua estara asegurada tarde o aína.
ResponderEliminar