España, ente los estaos de la XE con más adultos que nun falen otros idiomes.
España figura ente los tres estaos de la Xunión Europea con mayor proporción d’adultos ente 25 y 64 años que nun falen denguna llingua estranxera, según los datos espublizaos pola oficina estadística de la Comisión Europea, Eurostat, coincidiendo colos actos del Día Européu de les Llingües.
En concretu, el 46,6% de la población adulta d’España diz nun conocer dengún idioma foriatu, un porcentaxe namái superáu por Portugal (51%) y Hungría (75%). Na otra cara de la moneda asítiense los eslovenos, onde’l 72% de los mayores de 25 años fala dos o más llingües. Síguen-yos los eslovacos y los finlandeses, con un 68% caún.
España figura ente los tres estaos de la Xunión Europea con mayor proporción d’adultos ente 25 y 64 años que nun falen denguna llingua estranxera, según los datos espublizaos pola oficina estadística de la Comisión Europea, Eurostat, coincidiendo colos actos del Día Européu de les Llingües.
En concretu, el 46,6% de la población adulta d’España diz nun conocer dengún idioma foriatu, un porcentaxe namái superáu por Portugal (51%) y Hungría (75%). Na otra cara de la moneda asítiense los eslovenos, onde’l 72% de los mayores de 25 años fala dos o más llingües. Síguen-yos los eslovacos y los finlandeses, con un 68% caún.
Eurostat revela igualmente que en 2007, nel conxuntu de la Xunión Europea el 60% de los alumnos de segundu ciclu de secundaria estudiaron dos o más llingües, un terciu tuvo clases d’a lo menos una y namái’l 6% de los estudiantes nun estudió denguna.
Nel casu d’España, el porcentaxe d’alumnos que tuvieron un idioma estranxeru foi del 68%, ún de los más altos de la XE xunto con Grecia (96%), Italia (74%) ya Irlanda (73%). Mientres, nel Reinu Xuníu, más de la metada, el 51%, nun estudiaron dengún idioma.
Nel casu d’España, el porcentaxe d’alumnos que tuvieron un idioma estranxeru foi del 68%, ún de los más altos de la XE xunto con Grecia (96%), Italia (74%) ya Irlanda (73%). Mientres, nel Reinu Xuníu, más de la metada, el 51%, nun estudiaron dengún idioma.
Los datos apurríos polos Estaos miembros indiquen tamién que l’inglés ye la llingua que más s’estudia en segundu ciclu, sacante Lluxemburgu –onde l’inglés ta en pie d’igualdá col francés y l’alemán-- y, evidentemente, n’Irlanda y Reinu Xuníu, onde ta más espardíu’l deprendimientu del francés como segunda llingua.
En 14 de los 21 Estados miembros pa los qu’esisten datos, l’inglés ye la llingua estranxera que más falen los adultos mientres que’l rusu ye l’idioma más faláu en Bulgaria, los países bálticos y Polonia. El 28% de la población europea ente 25 y 64 años diz falar dos o más idiomes; el 36% una y el 36% denguna.
En 14 de los 21 Estados miembros pa los qu’esisten datos, l’inglés ye la llingua estranxera que más falen los adultos mientres que’l rusu ye l’idioma más faláu en Bulgaria, los países bálticos y Polonia. El 28% de la población europea ente 25 y 64 años diz falar dos o más idiomes; el 36% una y el 36% denguna.
El Día Européu de les Llingües cellébrase tolos 26 de setiembre y tien como oxetivu xeneral alertar al públicu sobre la importancia del deprendimientu de les llingües, promover la diversidá cultural y llingüística d’Europa y animar a siguir estudiando idiomes una vegada abandonáu’l colexu.
Fonte: Europa Press
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.