23/2/16

Ana Cano: “La perda de falantes creo que ye un mitu”



Ana Cano: “La perda de falantes creo que ye un mitu”
La presidenta de l’Academia de la Llingua Asturiana (ALLA), Ana María Cano, protagonizó’l programa d’Alderiques d’Asturies, que s’emite los sábados en MuyMuy Televisión. Nella trató temes d’actualidá y faló de la oficialidá y del llabor académicu.
Samuel Gradín, conductor del programa, contó nesta ocasión col sofitu de los periodistes Pablo R. Guardado, redautor d’Asturies.com, y Inaciu Galán, presidente d’Iniciativa pol Asturianu, nun formatu novedosu dientro d’Alderiques d’Asturies. Demientres 40 minutos, Cano respondió les entrugues plantegaes por estos profesionales, asina como delles feches por ciudadanos al traviés de les redes sociales.
N’Asturies.como facemos una escoyeta de dalgunes de les declaraciones más destacaes de la presidenta de l’ALLA:
1. Soi una persona positiva per naturaleza, pero’l balance realista del añu 2015 no que respeuta a la llingua foi un poco más de lo mesmo. Los pequeños avances que se llogren vienen pol enfotu de persones particulares o grupos de xente por sacar coses alantre.
2. L’anuncia de que se van facer programes d’educación d’inmersión llingüística ye extraordinaria. Si se llogra sería la meyor noticia en munchísimu tiempu.
3. Si queremos facer normal la llingua hai que recuperar la toponimia. Lo menos que se pue pidir a les alministraciones ye respetar la toponimia oficial.
4. Si l’Academia tuviere la centésima parte del presupuestu que tienen les otres academies del Estáu español, el cien por cien de la población falaba asturiana y normalizao too dende hai munchísimu tiempu, porque col presupuestu que tenemos facemos milagros.
5. La conciencia llingüística d’unidá de la llingua ye clarísima.
6. La perda de falantes creo que ye un mitu. Hai que facer una encuesta en serio a ver cuántos falantes perdemos. Cada vez siento falar a más xente en llingua asturiana y en dellos ámbitos.
7. Fai unos cuantos años esto que facemos agora –en referencia al programa– nun sería posible y yo puedo esplicar clase n’asturianu na facultá y enantes nun yera posible; esaminase n’asturianu tampoco.
Fonte: Asturies.com

4 comentarios:

  1. Esta como'l cometortielles y la 'leyenda urbana'.

    ResponderEliminar
  2. Ye tou cuentu, son sides incongruentes pa intentar retrasar l'obligáu momentu d'oficializar la llingua asturiana.

    ResponderEliminar
  3. Subterfugios, trampes, escusas, poner palos nes ruedes de la normalización y de la oficialidá, namás que eso, collacio Manso.

    ResponderEliminar
  4. http://asturies.com/noticies/los-llectores-dasturiescom-opinen-que-la-perda-de-falantes-nun-ye-un-mitu

    ResponderEliminar

Los comentarios tán pendientes de moderación. Espublizaránse lo primero dable.