Un añu más, en Cangas del Narcea
El próximu llunes 28 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (uabra): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.
Nel actu intervendrán el Vicerrector d’Estensión Universitaria y Comunicación de la Universidá d’Uviéu, Vicente Domínguez García; l’Alcalde del Conceyu de Cangas del Narcea, José Luis Fontaniella Fernández y el Direutor de los Cursos, Xosé Antón González Riaño.
Los Cursos y xeres complementaries desendolcaránse ente los díes 28 de xunetu y 8 d’agostu y nellos van participar más d’un centenar de persones.
Esti mesmu llunes, dientro de les Actividaes Abiertes d’esta edición de la UABRA, tendrá llugar la inauguración de la esposición «Sable. Una revolada pelos arenales d’Asturies » na sala d’esposiciones de la Casa de Cultura de la villa canguesa. Fonte: InfoAsturies
L'alma máter de la llingua asturiana n'Asturies.
ResponderEliminarYe'l viveru de los mayestros y mayestres d'asturianu nes escueles ya institutos asturianos, tol enfotu ye pocu.
ResponderEliminar