Les Xornaes Lliteraries nel Arcu Atlánticu dedíquense esta tarde, dende les 19:30 hores, a los autores irlandeses que se puen atopar n'asturianu Oscar Wilde, Maria Edgeworth, James Joyce, John Millington Synge y Seamus Heaney.
Seamus Heaney
La Carpa Arcu Lliterariu asitiada nel Puertu Deportivu de Xixón acueye esta tarde delles actividaes venceyaes a los escritores irlandeses n'asturianu.
De 19:30 a 21:30 hores informaráse de les obres publicaes en traducción al asturianu de los escritores irlandeses Oscar Wilde, Maria Edgeworth, James Joyce y John Millington Synge. L'actividá va acompañase con conteníu audiuvisual sobre los autores y los llugares que transitaron lliterariamente. D'Oscar Wilde, la pieza teatral La importancia de ser severu y los relatos La pantasma de Canterville y El crime de Lord Arthur Saville. De Maria Edgeworth, la novela El castiellu la rentona. De James Joyce, el relatu Los muertos. De John Millington Synge, la obra Isles d'Aran. L'actividá va acompañase con conteníu audiuvisual sobre los autores y los llugares que transitaron lliterariamente.
Dende les 21:30 hores va desendolcase l'actividá propia Seamus Heaney n'asturianu Poemes de "Luz eléctrica" a cargu de Xuan Santori.
L'escritor y profesor irlandés,Seamus Heaney (1939 - 2013) nació nel condáu de Derrey. Vióse afectáu pola violencia ente católicos y protestantes nel Ulster. La so poesía allúgase nos contextos físicos y rurales de la infancia, con una gran flexibilidá rítimica y un llinguaxe intensu. Autor tamién d'ensayos de crítica lliteraria, recibió'l Premiu Nobel en 1995. Mui venceyáu a Asturies, dio en 2005 el so apoyu a la oficialidá de la llingua asturiana.
Sobre la obra de Seamus Heaney y los poemes de Luz eléctrica falará’l tamién escritor Xuan Santori, qu’igualmente cuntará la so esperiencia personal como intérprete del irlandés mientres la so estancia n’Asturies, nel 2005, pa participar na Selmana de les Lletres Asturianes.
Fonte: InfoAsturies.net
Fonte: InfoAsturies.net
Del Arcu Atlánticu tou perbién, tou perfectu menos un detallel perimportante, l'allugamientu que ye bien guapu n'un llugar bien emblemáticu como ye'l Puerto Deportivu (Xixón mira'l mar).
ResponderEliminarPero, siemprse hai un pero... el llugar quédase pequeñu y hasta estresante en determinados momentos de la tardi xixonesa.
Habría que buscar, yá pa la próxima vegada, un llugar más ampliu.
Otra manera, perfectu.
Güei nel arcu sírvese un platu fuerte.
ResponderEliminar¡Fantásticu!
ResponderEliminarSigo que cuesta trabayu dacuandu abrir pasu ente tanta xente nun espaciu que ye grande pero daqué escasu pa tantes persones como alleguen al eventu.
ResponderEliminar