5/7/14

El PP diz qu'Educación pretende "adoctrinar a los neños" por baxar el númberu d'hores de relixón y educación en valores

Susana López Ares,  nel Parllamentu
  
    La diputada del PP na Xunta Xeneral, Susana López Ares, acusó a la conseyería d'Educación, al respecto de la reducción d'hores de les asignatures de Relixón y Educación en Valores, de pretender "adoctrinar a los neños". "Nun puen amenogarse les hores d'estes dos asignatures espeyu coles mesmes que s'establez como obligatoria, dientro de Ciencies sociales, la Educación pala Ciudadanía", reprochó.
   Con esta midida, calcó López Ares, el Principáu pretende "adoctrinar a los neños préste-yos o non", baxando d'esta manera la capacidá de decisión de los padres sobre la educación de los sos fíos.
   Nesti punto, según la parllamentaria del PP, la conseyera d'Educación, Ana González, tendría que negociar por respetu a les families en llugar "d'amenazar col amenorgamientu d'hores de les asignatures".                                       Fonte: Europapress

6 comentarios:

  1. Nunca llueve a gustu de toos.

    ResponderEliminar
  2. Y por embargu tán a la escontra de l'asturianu na escuela. ¡Vaya panda!

    ResponderEliminar
  3. Hai munches opiniones y toes son respetables, amigu Xurde.

    ResponderEliminar
  4. La relixón hai que dala na parroquia.

    ResponderEliminar
  5. És que s'enyoren de quan es resava abans d'entrar a classe, abans de sortir, abans de dinar, abans de tot.

    ResponderEliminar

Los comentarios tán pendientes de moderación. Espublizaránse lo primero dable.