26/7/12

Noreña va debatir les ordenances sobre l'usu del asturianu



Noreña va debatir les ordenances sobre l'usu del asturianu que propón Conceyu Abiertu

El Plenu del Conceyu de Noreña va debatir esti xueves, 26 de xunetu, la propuesta d'ordenanza pal usu de la llingua asturiana que presentó Conceyu Abiertu por Noreña a finales de mayu. D'entós p'acá, los grupos políticos tuvieron oportunidá d'estudiar el testu y presentar aportaciones a una propuesta que, a xuiciu de Conceyu Abiertu, ye «asumible perfectamente» por toles formaciones con representación nel Conceyu y «axustada a la llegalidá vixente».


La formación asturianista pretende que la norma sía aprobada por unanimidá de los grupos porque, na so opinión, «la llingua ye patrimoniu de tolos noreñenses, independientemente de la so ideoloxía». Por esti motivu, l'aprobación d'una norma local que reconoza los drechos llingüísticos de tolos ciudadanos, que regule'l so usu nel Conceyu y incluya midíes de promoción y normalización, como ye la que se propón, diba ser, en palabres de Conceyu Abiertu por Noreña, «amás d'un actu de dignificación de la llingua y cultura asturianes, un avance democráticu necesariu».

El testu que se va debatir empieza col reconocimientu del drechu de tolos vecinos del Conceyu de Noreña a usar l'asturianu y que les comunicaciones –orales o escrites– cola alministración local tengan la mesma validez que si foren en castellanu. Tamién s'afita la obligación del Conceyu de redactar toles comunicaciones, notificaciones y documentación alministrativa –como les actes del Plenu y les comisiones informatives– tanto n'asturianu como en castellanu, inclusive nes rellaciones con otres Alministraciones, como la central del Estáu o la Xunión Europea .

Ente les midíes de promoción y normalización del idioma, la propuesta d'ordenances recueye la publicación en castellanu y asturianu de tola publicidá que faiga'l Conceyu, l'usu del asturianu polos cargos públicos n'actos institucionales, la valoración del conocimientu de la llingua propia nes convocatories públiques d'empléu que supongan atención a la ciudadanía o la organización de cursos pa deprender y perfeicionar l'asturianu destinaos a los trabayadores municipales.

Fonte: Les Noticies





4 comentarios:

  1. És un pas en la direcció correcta. Seria millor que aquestes iniciatives partissin de la Xunta en forma d'oficialitat però igualment cal aplaudir la proposta. Espero que aconsegueixin la unanimitat.

    ResponderEliminar
  2. Nun pudo ser pol votu a la escontra del PSOE ya IDEAS.

    ResponderEliminar
  3. Y eso que les Mocedaes Socialistes aprobaren la oficialidá del asturianu ente los sos oxetivos la selmana pasada...

    ResponderEliminar
  4. Del web d'IDEAS (curiosament inclús amb TLD .as, de la Samoa Americana):

    No tocante a la situación d´anguaño del asturianu como llingua minorizada y minoritaria, ye mui importante superar la Llei d´Usu y algamar, pente medies de la reforma del Estatutu d´Autonomía, la so OFICIALIDÁ pa evitar la so perda estructural y pa da-yos garantía a los ciudadanos y ciudadanes de la lliberta personal y alministrativa del so usu dientro del territoriu de nueso.

    http://www.ideas.as/udecontrol_datos/FileManager/File/Llingua_Asturiana_IDEAS.pdf

    La incoherència de les Mocedaes del PSOE ja és normal, aquí i allà, però d'un partit que diu el que diu IDEAS no s'entén que despré voti en contra d'una proposta molt i molt mínima com la de Noreña.

    ResponderEliminar

Los comentarios tán pendientes de moderación. Espublizaránse lo primero dable.