16/2/17

Los Humanitarios convoquen'l XIV Concursu de Monólogos Pepe Campo


  Tamién abren el plazu pa presentar candidatures a los premios a la Solidaridá y la Tradición qu'entreguen dende'l 2007.
  El Concursu de Monólogos 'Pepe Campo' d'Humanitarios de Samartín algama la so decimocuarta edición. La sociedá con sede en Morea ta acabante d'abrir el plazu de presentación de trabayos, qu'han de tratar d'una tema d'actualidá social, política o cultural. Ésti fina'l 18 d'abril.
  Los interesaos en participar pueden presentar tantos monólogos como-yos pete, siempre en llingua asturiana, en versu o prosa. El llargor de los trabayos ha de ser d'un máximo de'ente 150 y 250 versos, nel primer casu, y de cinco folios, nel segundu, y el xuráu va tener en cuenta'l so valir lliterariu.
  La recompensa pal ganador va ser de 300 euros, que s'entreguen en xunetu mientres les xornaes qu'entama la Sociedá Humanitarios de Samartín n'alcordanza de Joaquín Rodríguez Muñiz nun actu nel que se va lleer o intrepretar la obra que mereza'l Pepe Campo. Na edición pasada'l premiu foi pa Inaciu Galán con 'Les coses de la política nueva', siendo la cuarta ocasión na que'l xixonés llevaba'l concursu.
'Colmena de Oro' y 'Espiga de Escanda de Oro'
  L'asociación ayerana ta tamién acabante de convocar los sos premios a la Solidaridá y a la Tradición, que lleven los nomes de 'Colmena de Oro' y 'Espiga de Escanda de Oro', de manera respeutiva, y que l'añu pasáu llevaron la Cocina Económica d'Uviéu y José Antonio Anca. El plazu pa presentar candidatos va permanecer abiertu hasta'l 12 d'abril, tando prevista la entrega de los gallardones nun actu públicu a celebrar en xunu.
Fonte: asturies.com

4 comentarios:

  1. Norabona pola convocatoria otoru añu más a Perantxu y demás collacios y collacias de los Humanitarios.

    ResponderEliminar
  2. Loa Humanitarios de Samartín pa los Premios Princesa d'Asturies.

    ResponderEliminar
  3. Humanitarios ye igual a solidaridá.

    ResponderEliminar
  4. Los Humanitarios y Asturies, Moreda y la solidaridá minera de la cuenca.

    ResponderEliminar

Los comentarios tán pendientes de moderación. Espublizaránse lo primero dable.