Estos
díes atrás l'Athletic de Bilbao dábamos una lleición a los asturianos y sobre
manera a los equipos de fútbol d'Asturies y del restu del dominiu llingüísticu.
Esti club recibía al Sporting de Xixón (o de Gijon, porque asina ye como sigue
denomándose pudiendo usar la forma popular y tamién oficial) con una acoyida
llingüística a lo grande: cartelu con un Afayáivos na fachada del estadiu y usu
del asturianu na megafonía a lo llargo'l partíu.
Munchos asturianos y asturianes comentaben estos díes nes redes sociales
como quedaren plasmaos al ver qu'un equipu de fuera usa más l'asturianu que los
grandes equipos de fútbol d'Asturies, como un equipu que nada tien que ver con
Asturies fai más por normalizar la presencia del idioma que la mayoría de los
d'equí.
Ye verdá que n'otres
categoríes, equipos como'l Ciares en Xixón o'l Rosal n'Uviéu, ente otros. O
n'otros deportes, equipos como'l Siete Pulmones Baloncestu, son exemplu d'usu
comprometíu del asturianu y señalen el camín a siguir pa los demás. Sicasí,
entá tamos esperando que los grandes equipos asturianos faigan lo que fexo
l'Athletic y usen con normalidá l'idioma, porque ye positivo, porque normaliza
y porque-y da los equipos más cercanía cola afición ya identidá.
Dende Iniciativa pol
Asturianu vamos trabayar pa que se dean esti cambiu y los equipos asuman la so
obligación col territoriu al que representen, usando la llingua propia de
l'afición na promoción, na toponimia, na megafonía y en tolos ámbitos, con
normalidá y metiéndo-y un gol a la marxinación de la llingua asturiana nel
ámbitu deportivu. Mientres, gracies Athletic, por danos esta lleición.
Fonte: Iniciativa pol
Asturianu
Eskerrik asko Athletic.
ResponderEliminarYe una verdá como un templu. Esperemos que los nuesos grandes equipos empiecen a dar exemplu. El problema como siempres s'asolapa o se sotecha na falta d'oficialidá del asturianu na mesma Asturies, tou un aprobiu.
ResponderEliminarEman duzu gurekin enpatia auzoan ikasgai bat eta, Atletic eta bere zaleei esker.
ResponderEliminarBona midida de vecindá, amistá, y hermanamiento ente clubes ésta del Athelic escontra'l Sporting. P'asonsañar y poner de moda.
ResponderEliminarEl que és una anomalia és que avui, segle XXI, un club de futbol no utilitzi la llengua del 60%, el 70% o el 80% dels seus socis i aficionats. En megafonia, cartells, comunicats i en tot i amb tota normalitat. Ja no dic que la utilitzi en exclusiva, que també hauria de ser, sinó ni que sigui juntament amb el castellà.
ResponderEliminarAnomalíes y cosadielles asturianes asturianes, David.
ResponderEliminar