Les biblioteques d’Avilés programen una decena de cuentacuentos y talleres d’animación a la llectura

Sala infantil de la Biblioteca Pública de Bances, Candamo

  Les cuatro biblioteques municipales d’Avilés -La Lluz, Bárganos Candamo, Los Canapés y La Carriona- programen actividaes infantiles gratuites demientres el mes de febrero, destacando cuentacuentos y talleres d’animación a la llectura.

  Una de les actividaes que van desenvolvese son los Cuentacuentos, dirixíos a un públicu ente 4 y 9 años al cargu de la compañía “Tres la puerta Títeres”. Toles sesiones van celebrase  a les 18 hores.

  Tamién hai prevista una versión afecha pa los más pequenos, ente 6 meses y 3 años, denominada Bebecuentos. Nesti casu los encargaos de llevala a cabu son los integrantes de la compañía “Elísabet Martín Teatru”, tamién a les 18 hores.

  Amás, van realizase talleres d’animación a la llectura en dos grupos estremaos por edaes. El primeru pa neñes y neños d’ente 4 y 8 años de la mano de “El gatu Turulatu” y el segundu impartíu por “Kunon” hasta los 12 años.

  Delles actividaes tienen places llindaes y riquen inscripción previa que puede formalizase nes mesmes biblioteques.                                                                    Fonte: asturnews.com

Ver programación