El xueves 21 preséntase en Xixón el llibru "La tele que queremos; televisión pública y reivindicación llingüística n'Asturies".
La Xunta pola Defensa de la Llingua Asturiana (XDLA) presenta esti xueves 21 el llibru "La tele que queremos; televisión pública y reivindicación llingüística n'Asturies", editáu por Trabe, y que recueye los documentos ellaboraos nos últimos años pola Xunta pola Defensa de la Llingua Asturiana (XDLA) sobre la presencia del nuestru idioma nes emisiones de la RTPA. Documentos que van dende los años noventa, cola reivindicación pola puesta en marcha d’una televisión autonómica 100 % n’asturianu, hasta l’actualidá, col nacimientu de la RTPA y la necesidá, cada día más evidente, de convertila nuna ferramienta al serviciu de la normalización del asturianu.
Nel actu va presentase esti llibru y habrá un alderique sobre medios de comunicación cola participación d'Esther Prieto, Xosé Ambás, Pablo Quiroga, Carlos Suari y el músicu gallegu Antón Reixa.
La cita ye'l xueves 21 de xunetu nel Toma 3 (cai Marqués de Casa Valdés 27, Xixón), a partir de les 17:30h. Fonte: Asturies.com
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.