Alguns “Ditos Dezideiros” de l més de júlio

Puosto por faustino.antao an 03/07/2016

Alguns “Ditos Dezideiros” de l més de júlio

-  An júlio, l quinto die berás que més tenerás.

-  An júlio fouce al punho.

-  An júlio nunca l’auga fai bruído.

-  An júlio purpara l basculho.

-  An júlio reina l chizmo (gorgulho).

-  An júlio sego l trigo i trilho, quando l aire benir bou lhimpando.

-  An júlio todo farás solo l tou berde nun segarás.

-  An júlio you sego i trilho.

-  Júlio abafadico, queda l’abeilha ne l cortiço

-  Júlio caliente, seco i airoso, trabalha sien çcanso.

-  L més de júlio dá l pan i l chizmo.

-  Nubrineiro de San Pedro, pon an júlio l bino an miedo.

-  Nun hai melhor amigo do que l júlio cun sou trigo.

-  Pur todo l més de júlio l celeiro atulho.

-  Quien an júlio ara i fila, ouro cria.

-  Quien trabalha an Júlio, par’el trabalha.

Fonte: frolesmirandesas.blogspot.com.es