7/7/16

Cúmplense 100 años del cambiu de nome nos conceyos de Corvera, Tapia y Muros

Mapa d'Asturies

   El 2 de xunetu del 1916 el Gobiernu estatal aprobaba un decretu nel que modificaba'l nome de 573 ayuntamientos cola fin de nun confundilos con otros d'igual denominación. Corvera, Tapia y Muros ganaron asina un 'apellíu' qu'entovía caltienen.
  El monarca Alfonso XIII firmó aquel decretu presentáu por Álvaro Figueroa y Torres Mendieta, más conocíu como'l Conde de Romanones, presidente del Conseyu de Ministros, el 27 de xunu a propuesta de la 'Real Sociedad Geográfica', siendo espublizáu na 'Gaceta de Madrid', antecesor del BOE, el 2 de xunetu. L'oxetu yera la modificación de los nomes de dellos ayuntamientos pa que nun coincidieren nel nome con otros y evitar confusiones.
  Asina, la solución adoptada foi incorporar 'apellíos' a estos conceyos. Nel casu d'Asturies, trés resultaron afeutaos: Corvera, Tapia y Muros. Asina, pasaron a ser Corvera de Asturias, Tapia de,  Casariego y Muros de Nalón, de manera respeutiva, denominaciones qu'entovía se caltienen.                                                                                                Fonte: asturies.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.