28/5/16

Un poema de María Teresa González

Publicao por Vicente García Oliva | en Lliteratura | el 23-05-2016


María Teresa González, na memoria

Quiérote agora y quísete siempre
puedo pescancialo al tiempu que la nueche
de raso prieto esnala inevitable
al rodiu la memoria noctámbula y sollerte.
Quiérote inaparable ente los sueños
sapozao no vieyo, de la hestoria qu’aburre
repetida
na lloca velea de los llabios.
Quiérote agora y selo,
pente’l foscu silenciu d’estes puertes
que nun soi pa pesllate,
nel súbitu viaxe de milenta orpinos
corriendo cai abaxo bixorderos,
amestando a la brea
la curtia brevedá d’otra solombra
que se m’antoxa inútil.
Quiérote na povisa
que desdexa’l recuerdu cuando asela,
nel ñiciu agrisáu qu’amatagó esos güeyos
onde yá non me guardes
nin me quedo.
      
                     (Nel XXI cabudañu del so fallecimientu)                                      Fonte: trabayudecampu.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.