Miembros de la Xunta pola Defensa de la Llingua Asturiana (XDLA) van llevar la pancarta de 'Conceyos pola Oficialidá' esti llunes a Avilés dientro del percorríu qu'ésta va facer per toda Asturies. La intención ye pidir permisu pa colingala de la Casa Conceyu, pa lo que van contar col sofitu de los ediles de Somos Avilés.
Bimenes, impulsora de la campaña 'Conceyos pola Oficialidá' y de la iniciativa de la campaña #quelaponganelbalcon xunto col coleutivu cívicu con vistes a la declaración de la oficialidá nel conceyu yerbatu'l prevista pal 2 de xunetu, foi'l primer ayuntamientu en mostrar la pancarta, la selmana pasada, del so edificu consistorial. Agora, a la espera de treslladala a otros conceyos que solicitaren la so exhibición, como Grau o Morcín, fai la segunda parada n'Avilés.
A les 18 hores los miembros de la XDLA y los cinco ediles de Somos Avilés que firmaron la carta de la iniciativa 'Conceyos pola Oficialidá' van axuntase n'El Parche, frente a la Casa Conceyu tres la pancarta. Mentes, de forma paralela, van pidir de manera formal al gobiernu municipal la colocación de la mesma nel corredor de la Casa Conceyu d’Avilés en feches venideres.
Yá nel Día de les Lletres Asturianes, los conceyales de candidatura de xunidá popular colingaron una pancarta propia reclamando la oficialidá, que tuvieron que retirar a la hora y media por mandáu de l'alcaldesa, Mariví Monteserín. Según señalen dende la XDLA, la sida de la socialista ye "que se trataba d’un mensaxe partidista, demostrando asina’l so calter autoritariu y poco sensible cola cultura asturiana, a la qu’había respetar por mor del so cargu".
Más de cien cargos de cuasi la metá de conceyos
"Que la oficialidá nun ye un oxetivu partidista nin localista nin elitista demuéstralo’l fechu de que la iniciativa 'Conceyos pola Oficialidá' cuenta yá con más d’un cientu de conceyales de cuasi la metá de los conceyos d’Asturies, que fueron escoyíos nes pasaes elecciones municipales dientro de candidatures qu’algamaron en xunto más de 130.000 votos d’electores d’Asturies, y ente los que s’alcuentren persones de cuasi toles formaciones polítiques, incluída la de la propia alcaldesa d’Avilés", añaden dende'l coleutivu cívicu.
Fonte: Asturies.com
Entós ¿a qué espera'l PSOE y demás adláteres pa declarar la oficialidá de la llingua asturiana?
ResponderEliminarDoncs espera que els conceyales siguin més de 100 (d'un total de 800), que representin més de 130.000 vots (d'un total de 500.000) i que pertanyin a més de 30 conceyos (d'un total de 78). No ens enganyem.
EliminarCon tanto cargu políticu asturianu nun tendríen qu'esistir problemes, pero'l casu ye qu'habelos hai y gordos, ¿qué pasa entós? ¿ye que nun pinten nada?
ResponderEliminarEnforma falar y muncha manifestación pero dempués la obediencia ciega, muda, y sorda, manda, Rincón.
ResponderEliminarTien guasa lal cosiquina...
ResponderEliminar