AsturtOOns ta acabante d'espublizar 'Cuando los gatos conquistaron la Tierra', llibru nel qu'Enrique Carballeira esplica lo que naide quixo contar: cómo estos seres peludos tomaron el nuesu planeta. La editorial presenta un formatu novedosu de 'llibru+CD' pa poder disfrutalu en dispositivos electrónicos.
"Ehí los tenemos. Conquistaron millones de cases en tol mundu. Fixéronse los dueños de los sofás, de les cocines, de los armarios, de les terraces... Viven como marqueses. Peinámoslos y acariciámoslos a toes hores. Tol día durmiento, comiendo y afayándose en cualesquier requexu...", alerta Carballeira sobre una invasión silenciosa de la que casi naide se decató hasta la fecha.
Nesti llibru, l'autor piloñés esplica bien toda esta historia, que te va resultar bien prestosa si te gusten los gatos; inclusive tamién si nun te dan más. Pa ello AsturtOOns presenta un formatu novedosu, consistente nun volume de 40 páxines en blancu y negru, con munches ilustraciones y dos páxines de bocetos, y un CD col llibru en formatu Ebook-PDF, con ilustraciones a color, pa que lu puedas cargar nel ordenador, na tablet, nel llector de llibros o nel móvil.
El so preciu ye de 6 euros y pue adquirise en llibreríes y tamién al traviés de la direición de corréu electrónicu asturtoons@gmail.com Fonte: asturies.com
Esti amenu discu-llibro d'Enrique Caballeira paez que va dedicáu a tolos amantes, cuidadores, y simpatizantes de los gatos como mascotes o a cencielles como acompañantes de los humanos na naturaleza.
ResponderEliminarmiaaauuuu, déxote tar na mio casa y que vives conmigo al mio llau... miaaauuuu
ResponderEliminar