13/5/16

Cultura recupera'l IX Premiu al Meyor Cantar

Tres un añu de parón, el Premiu al Meyor Cantar va celebrase otra vuelta
Detalle, Banda de Gaitas El Trasno de Cuaña
  Esti vienres espublizáronse nel BOPA les bases nueves del concursu, que deroguen les del 2010, modificaes nel 2013, y la Conseyería d'Educación y Cultural anuncia que la novena edición del concursu va convocase d'equí a va poco.
 Pese a qu'Ana María Fueyo, anterior direutora xeneral de Política Llingüística, anunciara a Asturies.com n'abril del añu pasáu la so intención de celebrar la gala del Premiu al Meyor Cantar nos primeros meses de branu, ésta nun se convocó finalmente, frenando una iniciativa con bona respuesta d'artistes, grupos y públicu que se venía celebrando dende l'añu 2007. Ésta siempre solía tener llugar ente febreru y marzu, coincidiendo cola cercanía del Día Internacional de la Llingua Materna (21 de febreru).
Na semeya, actuación d'El Trasno na edición última del Premiu al Meyor Cantar, 2014
 Cola espublización d'este nueves bases –que pue consultar nel documentu anexu a la noticia– y l'anuncia de la convocatoria del IX Premiu al Meyor Cantar, dase continuidá a un concursu que premia al meyor tema n'asturianu y gallego-asturiano del añu anterior y que tien nel so palmarés a artistes y formaciones como Toli Morilla ('Azul y gris', 2007), Herbamora ('Nosh', 2008), Alfredo González ('La nada y tu', 2009), Xera ('Tierra', 2010), Skama la Rede ('Condenáu', 2011), Asturiana Mining Company ('Si nun conoces Vaḷḷouta', 2012), Taranus ('Ensin ti', 2013) y la Banda Gaitas El Trasno ('Volviche', 2014).
Fonte: asturies.com

5 comentarios:

  1. bandes de gaites saxones15 de mayo de 2016, 11:41

    A les bandes de gaites asturianes: col tambor de maera, militiar y perseriu, opacu y escuru, anglosaxón, NON. Col tambor asturianu clásicu allegre y cantariegu, guapu de siempres y de nuesu, SÍ. A aplicase'l cuentu y dexar les modes ingleses o saxones de llau pa los gallegos, Varillas y compañía.

    ResponderEliminar
  2. Hai que recuperar y volver a los soníos genuinamente asturianos y por favor escaecese de los snobismos foranos.

    ResponderEliminar
  3. Bien ciertu, , vanse desfigurando les tradiciones, l'espíritu y el sabor del soníu típicu de les romeríes asturianes al golor de les ablanes y la sidra, por culpa del esnobismu d'esti tipu de bandes militares anque con indumentaria asturiana y que a la xente déxalos fríos, nin fu nin fa. Les modes importaes de fora, de lo dalgunos creen más celta o daqué asina.

    ResponderEliminar
  4. Les bandes de gaites son un magníficu filón: gaites, tambores, traxes, clases, viaxes, etc. Positivu: la pervivencia de la gaita asturiana. Pero ante tou ye un perbón y pingüe negociu pa munchos vivales.

    ResponderEliminar
  5. y desfiles "cuasi militares" que nes fiestes locales de los llugares asturianos non pinten na y dexen a la xente fría.

    ResponderEliminar

Los comentarios tán pendientes de moderación. Espublizaránse lo primero dable.