Esti pasáu mes de payares cumpliéronse cuarenta años del entamu del movimientu de reivindicación llingüística modernu. El ñacimientu de Conceyu Bable en 1974 supunxo un cambiu importante na forma d’entender lo que ye la llingua asturiana, pasando de ser un elementu cásique namás folclóricu, a ser una seña d’identidá, una ferramienta pa espresase en tolos ámbitos de la vida, una llingua más y al mesmu tiempu la nuesa llingua, l’elementu más importante del nuesu patrimoniu cultural inmanterial.
Güei, 40 años más tarde, munchos de los oxetivos siguen vixentes y pendientes. Anque se dieren pasos importantes na presencia del asturianu en dellos ámbitos como la educación, la lliteratura, la música y los medios de comunicación, y tenemos de tar arguyosos por ello, entá queda muncho por facer.
D’estos cuarenta años deprendimos muncho. Avanzóse abondo, pero sabemos que nun ye suficiente pa salvar al asturianu. Esi sedrá’l camín pa les próximes décades y nesi camín vamos siguir trabayando na herencia de Conceyu Bable y de les organizaciones que-y siguieron y que mos traxeron al puntu nel que tamos anguaño, unos pasos más alantre nel llabor de caltener y recuperar la llingua asturiana.
Ye bono facer alcordanza y facer un posa nel camín pa reflexonar sobre’l tiempu pasáu, pero namás pa garrar puxu y siguir alantre con más ganes y con una mayor implicación de toes y toos nesti procesu, nel que más que nunca, precisamos de munches manes trabayando en tantes estayes pendientes a les que llevar la normalidá pal usu del asturianu.
Fonte: Iniciativa pol asturianu
Perbona efemérides a tener bien en cuenta. Llográronse bastante cuesas pero entá queden munches otres y sobremanera la más esencial y necesaria de toes que ye la reconocencia oficial de la llingua asturiana.
ResponderEliminarPero leso tener qu'esixir y arrincar el pueblu mesmu, porque incomprensiblemente los políticos asturianos nun tán pol llabor llabor, más bien al contrariu, tiénen-y auténtica repulsión.
Poso sí que ye curiosu esti fenómenu políticu antillingua ente los políticos astures. Unos partíos por otros, entre toos matar y ella sola (la llingua asturiana) morrióse, la oficialidá ensin aprobar. Échense la culpa los unos a los otros pero nenguno tien voluntá de reconocer l'asturianu. Y lo peor ye que la xente calla y aguanta, pero nun actúa con decisión.
ResponderEliminarPa Sostres: esti tipu de reacción de la clase política asturiana, ¿casta?, tan en contra de la oficialización de la llingua ye bien digna d'estudiu dende un puntu de vista psicolóxicu ya inclusive psiquiátricu.
ResponderEliminarUna llingua en pelligru de desaniciu sálvase cola oficialidá, como encontu primeru. Y ella namái pue declarala una mayoría política na Xunta Xeneral.
ResponderEliminarSí, pero cola presión y fuerza de la xente na cai que ye lo únicu que entiende la "clase política": el ruiu bien fuerte y bien prolongáo nes cais. La xente paez que non quier xaréu y quédase nel chigre falando de la oficialidá.
ResponderEliminarPodemos Asturies usen el billingüismu. Nel intre que pidan la oficialidá, pue que seya posible a la fin.
ResponderEliminarNun sé, vamos ver. Empezaron prometiendo munches coses y acaldía que pasa se retraten de daguna bien importante paeciéndose cada vegada más al Psoe. Entós entrúgome si ¿va pasar igual col asturianu?
ResponderEliminarYe pa apañar votos, ¡güeyu bien abiertu!
ResponderEliminarNel sieglu pasáu normativizóse la nuesa llingua. Nesti aportará la oficialidá y la normalización social.
ResponderEliminar