7/12/14

SUATEA torna a ganar les eleiciones nel enseñu públicu n'Asturies

El sindicatu gana por tercer vegada consecutiva. Pel so llau, la CSI consiguió representación por primer vez
   El Sindicatu Unitariu Autónomu de Trabayadores de la Enseñanza d'Asturies ganó les eleiciones sindicales desendolcaes nel enseñu públicu asturianu esti vienres 4 d'avientu, con un resultáu bien reñíu. SUATEA algamó 10 representantes y 1.122 votos, mesmos representantes y dos votos más qu'UGT, segundu sindicatu más votáu.

   Pel so llau, ANPE pierde tarrén y pasa a cuntar con 9 representantes, mientres que CCOO perdió ún, asitiándose con 7. En cuantes a CSIF, caltuvo los trés representantes, mientres qu'otra de les notes destacaes foi la entrada por primer vegada de la Corriente Sindical d'Izquierda, qu'algamó dos representantes, meyor resultáu de la so hestoria. USIPA nun algamó representación.

SUATEA agradez el sofitu    Tres conocese'l so triunfu, dende SUATEA recalcaron qu'esti tien enforma méritu al ser un sindicatu con munchos menos recursos que les grandes centrales, polo que destacaron tolos sofitos humanos recibíos. Nesi sen, destacaron que nun cuerren bonos aires pal enseñu públicu, polo que van lluchar pola amaeyora de les condiciones llaborales y por aparar los constantes retayos de plantiyes, asina como estabilidá del personal interín. Otru puntu que destaquen ye la llucha pola creación de la especialidá d'asturianu.                                                                            Fonte: Infoasturies.net

6 comentarios:

  1. El diariu La Nueva España de güei (páx 59) titula "Casi 6.300 docentes en el limbo sindical". El 59% del profesoráu asturianu con derechu a votu pa formar una nueva xunta de personal nun votó (52%) o votaron en blancu (7%) ¡Vaya un desastre!
    Ganó SUATEA sí, pero perdió un representante queu empató con UXT, AMPE pierde 2, y CCOO 1, CSIF repite, y apaez na palestra CSI con 2.
    ¿Qué asocedi porque tanto de profesores/as negar a votar?

    ResponderEliminar
  2. mayestra de 0-3 años n'Uviéu8 de diciembre de 2014, 19:24

    Pasa que... la mayoría de sindicatos, o todos, solo miren polos sos lliberaos -el desertores de la tiza- y loso sos intereses y bien pocu polos mayestros y les mayestres, eso ye lo que pasa, y la xente nun ye tonta, precisamente. Queda bien claru, o non?

    ResponderEliminar
  3. Vamos ver, ¿dalgún sindicatu sacóte dalguna vegada de dalguna duda o de dalgún problema? Ricardo esa ye la respuesta. Voten los adictos políticos namás.

    ResponderEliminar
  4. Suatea ye'l meyor sindicatu d'equí a Lima.

    ResponderEliminar
  5. Los lliberaos de los sindicatos solo tan pa dir polos colexos poniendo cartelos políticos nos tablones d'anuncios nes sales de profesores y pa tomar un cafelito de pasu.

    ResponderEliminar
  6. Sí que ye el meyor sindicatu (suatea) pero tolos lliberaos, esto ye toos el desertores de la tiza, vividores y otres especies chupópteros singulares, a trabayar al aula. Toos y toes a trabayar.

    ResponderEliminar

Los comentarios tán pendientes de moderación. Espublizaránse lo primero dable.