La Conseyera d'Educación, Ana González, primer pela esquierda, na Xunta Xeneral del Principáu d'Asturies
La Conseyera d'Educación, Cultura y Deporte, la socialista Ana González, dixo esti martes na Xunta Xeneral del Principáu d'Asturies qu'el proyeutu de presupuestos del Principáu pal 2015 ta orientáu a caltener la equidá y "garantizar la calidá del sistema educativu".
Nestos términos manifestóse na comparecencia sobre presupuestos del so departamentu, na que tuvo acompañada del so equipu na Xunta Xeneral del Principáu d'Asturies. El proyeutu va salir alantre gracies al apoyu de los ciez diputaos del PP, puesto que de los 17 diputaos socialistes (sobre los 45 totales) nun podríen aprobar la llei en solitariu.
Les cuentes del departamento que dirixe González, suben a 756.437.886 euros, anque lo cierto ye que los gastos rellativos a esti departamentu elévense a 763.698.985 euros, puesto que hai qu'añadir la tresferencia a la Orquesta Sinfónica del Principáu d'Asturies, de 5,1 millones al Centru Rexonal de Belles Artes (1,7 millones).
Del total del montante del presupuestu d'Educación, Cultura y Deporte, un 61,53 por cientu de los recursos van dir directamente a gastos de personal, más de 470 millones. La conseyera esplicó que la cantidá dotada p'ayudes a llibros de testu y material didáutico sube a 2.400.000 euros, colo se compensa la "supresión" desti gastu per parte del Ministeriu d'Educación. "Estes ayudes tamién van forecer, la primer vez, la creación de bancos de llibros de testu nos centros educativos", manifestó.
UNIVERSIDÁ
Tocantes a la Universidá d'Uviéu, Ana González dixo que la tresferencia nominativa de la Universidá, destinada a sufragar los gastos de funcionamientu, asciende a 118,6 millones, incluyendo l'abonu del 25 por cientu de la paga estra del personal universitariu.
Esisten 2,9 millones pa gastoso de caltenimientu, arreglos y caltenimientu de la Universidá, asina como 800.000 euros pa inversión. "Fízose un nuevu esfuerzu en contención de gastu", manifestó sobre la Universidá. Fonte: europapress.es
Más retayos.
ResponderEliminarocantes a les Escueles Infantiles Asturianes de 0 a 3 años: a) deben tar integraes con tol so personal nel sistema educativu públicu; b) hai de ser una etapa educativa; pública y gratuita; c) tar integrada na Conseyería d'Educación; y d) cuntar coles ratios fayadices cola necesaria "pareya educativa" por unidá escolar.
ResponderEliminarLo demás son escuses ensin fundamentu esto ye ensin base lóxica.
Tou, absolutamente tou, ye susceptible de meyora. Y como exemplu ta la tema de les escueles infantiles asturianes de 0-3 años, que ta como ta, esto ye bien mal.
ResponderEliminarCollaciu xuanxo, cuando arralecen les perres salen a rellucir les "prioridaes" polítiques. Ye duru pero ye ciertu.
ResponderEliminar