Les bases que van regular les subvenciones a Conceyos pa la merca de llibros n’asturianu son una auténtica xirigoncia.
El pasáu 11 de payares el Boletín Oficial del "Principado" asoleyaba una resolución de la Conseyería d’Educación, Cultura y Deporte pola que s’aprobaben les “bases reguladores de la concesión de subvenciones pal incrementu bibliográficu y l’adquisición d’obres publicaes n’asturianu por parte d’entidaes locales que sían titulares de bilblioteques integraes na Rede de Biblioteques del Principáu d’Asturies”. Con estes bases tienen l’enfotu de regular les convocatories añales que, supuestamente d’equí p’alantre, se dirán asoleyando pa que los Conceyos merquen llibros n’asturianu.
Los oxetivos d’estes ayudes son los de de facilitar “la constitución d’un fondu bibliográficu en llingua asturiana” y “l’accesu de la población asturiana a la llectura de les obres escrites n’asturianu d’una manera gratuita pa la ciudadanía”. Sicasí, dende N’Ast nun somos a pescanciar el conceutu de ciudadanía que manexa la Conseyería Cultura, porque una de les condiciones que se ponen pa tener drechu a subvención ye que “l’adquisición de les obres habrá de facese n’establecimientos de comerciu minorista de llibros (llibreríes) que los sos puestos de venta al públicu tean allugaos nel conceyu solicitante de l’ayuda”.
Ello ye, que munchos Conceyos nos que nun hai llibrería –Bimenes, Cabranes, Samartín d’Ozcos, Pezós, Sariegu, Yernes y Tameza…– nun tendríen opción nenguna a recibir la subvención nin, siempres según los dimpuesto pola Conseyería Cultura, los sos vecinos y vecines a esfrutar, de baldre, de la llectura d’obres n’asturianu nes sos respeutives biblioteques o centros de llectura. Poro, dende N’Ast queremos calificar de tomadura de pelo les presentes bases reguladores y empobinar a la señora conseyera a camudales pa que tola ciudadanía pueda beneficiase d’estes ayudes.
Fonte: N'Ast
Tamos como siempres, ¿eh, Conseyera?
ResponderEliminarQuien fixo la llei fizo la trampa... o ye que se trata de terribles ignorantes que gobiernen pa una Asturies que desconocen grandemente y gravemente, que ye muncho peor. ¿Nun ye asina, collacios y collacies?
ResponderEliminarTarxeta colorada -otra vegada- pa la conseyera d'educación por non dar nin una a dereches.
ResponderEliminarEsto pása-y al PSOE -y a tolos partíos- por poner en cargos de muncha responsabilidá a xente ensin nengún tipu de preparación pa ello, n'especial a estes desertores de la tiza como la nuesa Conseyera d'Educación.
Los políticos -y más los politiquillos de base cero- tendríen de pasar un esame bien específicu de la materia en cuestión p'aportar estos puestos evitando asina a les/los tremendes ignorantes que tanto abonden tres llargos años d'estimosa militancia chusquera.
Vaya tropa.
ResponderEliminarL'article aquest de limitació de les ajudes és digne del millor Kafka.
ResponderEliminarPerò el que no diu és que l'establiment hagi de ser de caràcter permanent. Si una llibreria agafa una furgoneta i es dedica a passejar-se i vendre llibres per aquests municipis que no en tenen cap, la Conseyería no pot negar les subvencions.
Feta la llei, feta la trampa.
Coses d'Ana la llarga. Anita ye asina de retorcía.
ResponderEliminarJo... Ana, qué fina yes, amiguina.
ResponderEliminar