.jpg)
Esti vienres 7 de payares nel Teatru Municipal de Samartín del Rei Aurelio, en L’Entregu, va clausurase la I Amuesa de Teatru d'humor entamada en collaboración con FETEAS. La Compañía encargada de la clausura va ser la llangreana “Les Filanderes” dirixida pola entreguina Carmen Gloria que va representar la obra de Maxi Rodríguez “Les Aeróbicas”.
Esta amuesa de teatru lleva desenvolviéndose con gran ésitu dende'l mes de setiembre y pol escenariu del L’Entregu pasaron yá les mas importantes compañíes de teatru amateur d'Asturies.
Les funciones teatrales van siguir en Samartín del Rei Aurelio la próxima selmana na redolada de la Fiesta Gastronómica de “Los Nabos” coles actuaciones na Aula Cultural “La Plaza” del Grupu Teatru “Refaxu” que va poner n'escena la obra de Eladio Verde “Los Chiflaos” el llunes día 10 y la Compañía “Odisea Teatro” que va representar la obra d'Alejandro Casona “La barca ensin pescador” el martes 11. Fonte: asturnews
El teatru aficionáu ye grandiosu pol so esfuerzu, el so trabayu, la so entrega, los sos ensayos, los escasoso medios económicos con que cuenta, etc. Sofitu al teatru aficionáu asturianu.
ResponderEliminarYe cultura de la bona pal públicu y pal que lo trabaya. Cultura y trabayu social y cultural.
ResponderEliminar