Pola enseñanza pública asturiana
L'asturianu llingua oficial nes escueles
El sindicatu del enseñu SUATEA presentó una serie d'enmiendes nel Conseyu Escolar d'Asturies nel sentíu de que la nueva normativa asturiana de conciertos acute totalmente los conciertos n'infantil, yá que la planificación educativa depende tovía del gobiernu asturianu. Pal sindicatu “tien d'aprovechase esi requexu de la LOE pa esaniciar esi marafundiu públicu y criar places abondes nes Escueles Públiques”.
Tocante a los conciertos nos centros que segreguen al alumnáu por xéneru, pa esti sindicatu asturianau “tienen de ser evitaos de toes toes na normativa asturiana”. Por ello, nes enmiendes presentaes desixen que se menten esplícitamente les sentencies que sofitaríen esti resolvimientu de nun concertar los centros segregadores, “de manera que nun hebia posibilidaes pa dichos centros de recurrir esti ResolvimientuW, espliquen.
Señalen que na propuesta de plantilles pal próximu cursu, qu'estos díes unvióse a los centros educativos públicos, contempla –denuncien- “un nuevu amenorgamientu de puestos de trabayu y un amenorgamientu, polo tanto, del empléu na enseñanza pública asturiana”. Pa SUATEA “esto ye inaceptable mientres se caltien la subvención a los centros privaos per aciu de los conciertos educativos”.
Fonte: Asturnews.
Habiendo y esistiendo ufierta abondosa a esgaya na eseñanza pública, güey esiste superávit de places escolares en toles etapes, hai que dir a la mayor calidá posible y nun subvencionando una enseñanza paralela y elitista que solo fae qu'encarecer la balanza innecesariamente.
ResponderEliminarAmás d'esto, quien deseyen dotar a los sos fíos d'enseñanza privada son bien llibres de contratala, pola so cuenta y riesgu, pero ensin subvenciones per parte del erariu públicu porque sería una opción totalmente particular, bien llibre, pero ensin necesidá nenguna, este ye, elitista y de puru caprichu per parte de la familia.
Les escueles concertaes son les que menos clases d'asturianu ufierten. SUATEA tien tol mio sofitu.
ResponderEliminarToi con xuanxo porque ye absolutamente ciertu tolo que diz nel so comentario de riba.
ResponderEliminarEl Suatea trabaya bien pola enseñanza pública y pol asturianu.
ResponderEliminarLos centros privaos y subvencionaos deberíen financiase ellos y non con perres del erariu públicu, porque ye voluntaria la so asistencia y hai delles places públiques vacantes.
ResponderEliminarCosadielles y asturianaes engarraes unes a otres namás.
ResponderEliminar