Jerónimo Granda pregoneru en Xixón
Cartelu del antroxu xixonés
Yá va quedando menos pal Antroxu y Asturies principia a preparar les munches celebraciones d’estos díes. Corvera celebra esti domingu una xornada na que participen Los Sidros y el Muséu Taller de Títeres ayuda a facer mázcares na so sede.Pese a que se suel dar el pistoletazu de salida al Antroxu col Xueves de Comadres, Corvera yá entama actividaes dende esti domingu. El Tomás y Valiente de Les Vegues va acoyer, a partir de les 13 hores, la charra d’introducción a les mazcares, de nome ‘L’Antroxu de siempre’, que van dar José Luis del Río, del Club de Llaranes, y de Pablo Canal de l’Asociación pa la Recuperación de Los Sidros y Les Comedies ‘El Cencerru’ Sidros de Valdesoto. Darréu, esta mazcarada sierense va desfilar peles cais de la población.
Tamién el domingu, nesti casu en Samartino (Siero), el Muséu Taller de Títeres va celebrar l’actividá ‘Fai antifaces y mázcares’, orientáu pa tola familia. “Anque agora lo normal ye mercar nun bazar una mázcara fabricada con materiales plásticos, nós proponémosvos daqué muncho más prestoso: volver a la esencia tradicional del Antroxu y que síais vosotros mesmos quien la faigáis con materiales senciellos y más ecolóxicos”, afirmen los sos responsables. El taller, d’una duración de dos hores y media, va principiar a les 17.30 hores y tien un preciu de 4 euros por persona. Al ser un númberu de places llendáu, recomiéndase reservar nel teléfonu 985.724.234.
Fonte: Asturies.com
N'Uvieu nun ponen inda l'antroxu n'asturianu. Iniciativa pol Asturianu ta faciendo pidimientos a la capital d'Asturies pa ello.
ResponderEliminarYe que Uviéu paez que ye especial, ye la capital, quier paecer como... superfina.
ResponderEliminarNel acartelu xixonés del antroxu d'anguañu añu la sardina apaez bien flaca polos recortes de la crisis, ta na raspia, nos escayu namás, ¡probe!
ResponderEliminarMázcares, mazcaritos y sidros, bruxas y sardines na raspia, ¡viva l'antoxu, antroxeru!
ResponderEliminarTol mundu a antroxar y a quitar les penes, penites, penes.
ResponderEliminarYe xueves de comadres y va tar bien animáu por tolos llaos pos les fiestes empecipien polos víspores.
ResponderEliminarAntroxar y comadrear en Xixón, n'Uvièu, n'Avilés, en la Pola... pero n'asturianu ¿val?
ResponderEliminar