21/2/13

La Xunta pola Defensa de la Llingua Asturiana desendolcó una aición de protesta delantre la Xunta Xeneral


La Pita de la Xunta, na protesta

   La organización realizó una concentración coincidiendo coles comparecencies polítiques rellacionaes col Casu Marea.

   Güei persones de rellevancia nel ámbitu políticu asturianu de los caberos años -Álvarez Areces o Ana Rosa Migoya, ente otros-, comparecieron na Xunta Xeneral en rellación col episodiu de corrupción conocíu como "Casu Marea". La Xunta pola Defensa de la Llingua Asturiana aprovechó la ocasión, concentrándose a les puertes de la institución un grupu d'activistes con cartelos como "Les perres de la oficialidá, nos bolsos de la F$A", o "La mio llingua tampoco se corta".

   Nel actu reapareció la "Pita de la xunta", el conocíu personaxe de vindicación llingüística qu'acompañó a Areces durante numberosos actos del so gobiernu. Nesta ocasión, les personalidaes polítiques implicaes nel casu de corrupción evitaron la entrada pela puerta principal, evitando asina topase coles vindicaciones de los activistes llingüísticos de la Xunta

   Fonte: Infoasturies

8 comentarios:

  1. Hai munchu de que falar nel caso Marea y la FSA.

    ResponderEliminar
  2. La pita ye mundial y perguapa.

    ResponderEliminar
  3. Ye que la mangancia mangantil de los mangantes que mangan tenémosla na tierrina, pero nun trabayen res pola mesma nin pola llingua.

    ResponderEliminar
  4. El cartelu de la pita de la Xunta diz tola verdá. Anque los socialistes d'equí dicen nun saber nada...

    ResponderEliminar
  5. Les huestes, siguidores y adláteres asturianes del rubalcabra esi tan instalaes na mentira y na mangancia, como diz Abreciu que tien bien de razón, como'l so xefe madrilanu, tamos apañaos collacios. Pero de la llingua asturiana nun dicen nin pío, tán callaos como difuntos; pero les perres al bolsu como nel casu Marea.

    ResponderEliminar
  6. Tamos en bones manos y la xente sigue dándo-yos el so votu, increíble.

    ResponderEliminar
  7. Vaya banda pero de bandíos politiqueros apandadores de cargos y de too lo que pillen pel mediu... ¡qué dolor, mamina!

    ResponderEliminar

Los comentarios tán pendientes de moderación. Espublizaránse lo primero dable.