11/2/13

Iniciativa pol Asturianu entrega cartes con quexes y propuestes nel Ministeriu de Fomentu y nel d’Educación


 


El Ministeriu de Fomentu niégase a usar la toponimia oficial d'Asturies
Esti llunes 11, Iniciativa pol Asturianu va entregar nes sedes del Ministeriu de Fomentu y Ministeriu d’Educación, en Madrid, cartes dirixíes a los respectivos ministros, cola fin d’amosar el refugu de la organización a la situación na quedaría la llingua asturiana d’aprobase la nueva reforma educativa, per un llau, y solicitando l'usu de la toponimia oficial nes carreteres y demás instalaciones estatales nel casu de Fomentu. Pal enseñu, dende la organización asturiana soliciten "una solución que permita que l’asignatura tea pelo menos nes mesmes condiciones nes que ta agora, que yá son bastantes males", como yá espresó la Vocalía d’Enseñu de la organización en numberoses ocasiones, asina como la reconocencia de la especialidá d'asturianu pal profesoráu.
La carta dirixida al Ministru de Fomentu reclama que’l Gobiernu d’España "cumpla col usu de la toponimia oficial nel territoriu asturianu, y anima a esti departamentu a usar l’asturianu con normalidá nes infraestructures, instalaciones estatales de tresportes, dependientes del mesmu y presentes n’Asturies: carreteres, ferrocarriles, aeropuertos, puertos, etc".
En dambos casos solicitaráse tamién a los ministerios qu'usen l'asturianu na so páxina web, "como faen col restu de llingües del estáu ya inclusive col inglés, que nun ye llingua oficial", espliquen dende la organización.

Fonte: Asturnews

5 comentarios:

  1. los nuesos politicastros antillingua11 de febrero de 2013, 14:12

    Pero home, síamos bien sinceros, perhonraos y escamplaes.
    La culpa de cómo quedará l'asturianu cola aprobación de la LOMCE nun ye del ministru Wert nin de la llei en sí mesma.
    La culpa y l'entera responsabilidá ye íntegra y total de los políticos (politicastros, más bien)asturianosque nun quieren, que nun deseyen, que s'oponen con uñes y dientes, con auténtica saña y fiereza a la oficialidá de la llingua... ¿o non?

    ResponderEliminar
  2. Y esto nun ye tamién un casu de "corrupción" llingüística escontra'l asturiano, poles pruebes qu'atopamos a diariu na nuesa tierrina al respective de la llingua ¿n'Asturies tenemos políticos asturianos o son foráneos?
    Solo ye una entruga que dexo ende a ver si daquién puede responder esta dulda importante.

    ResponderEliminar
  3. A ver, nin duldes nin babayaes nin paños calientes, hai que garrar al toru polos sos cuernos, 1º) el gobiernu asturianu nin los sos adláteres políticos nun quieren la oficialidá de la llingua pa ná, y 2º) paez que la xente de dalguna manera confórmase callando y otorgando. al césar l que ye del césar... ¿ta claru?

    ResponderEliminar
  4. Iniciativa pol Asturianu va pol buen camín.

    ResponderEliminar

Los comentarios tán pendientes de moderación. Espublizaránse lo primero dable.