Esti xueves los docentes de l’asignatura d’asturianu y gallego-asturianu tuvieron nel Rexistru del Gobiernu d’Asturies, n’Uviéu, pa entregar les más de 2.100 cartes que los neños que cursen esta asignatura escribieron per tola país pa pidir a la Conseyera d’Educación y Cultura, Ana González, que l’asturianu siga teniendo’l so espaciu nel programa d’estudios. Amás, entregáronse diez resolucione de claustros escolares que s’amosaron a favor d’esta reivindicación que lleva más de 2.500 apoyos na páxina web onde se recueyen.
Nes cartes, los neños amuesen el so amor pol asturianu y piden que a la Conseyera que defienda l’asturianu frente a la Llei Wert, que podría sacar al asturianu de les aules.
Xunta a les cartes de los neños, los docentes, que tuvieron a les puertes del Rexistru concentraos, entregaron un documentu nel qu’esplicaben les razones d’esta campaña.
Fonte. Asturnews.
Cartes y más cartes tan perbién y qué tal una manifa pergrande na cai Uría d'Uviéu?
ResponderEliminarTien razón Inés, pero una manifa bien gorda con escolinos, pas, mas, güelos, mayestros y mayestres, paisanos y paisanes asturianos, con xente asgaya, munches gaites y banderes, pancartes n'asturianu, munchu ruidu, munchos cancios y tamién munchos glayíos bien fuertes pa que'l gobiernu asturiano (ciegu y sordu a la xente) pueda oilos perbién dende'l so retiru políticu-sociu-económicu-privilexáu y tamién los sos adláteres bien estimosos y sumisos tamién bien sordos y mudos pa poder ¿salir na so "semeya"?
ResponderEliminarLa xente agoroa paez que nun ta pa munches manifes pola llingua, ta más pol chuscu y si ye con daqué dientru meyor (chorizu, xamón...)
ResponderEliminarHai de siguir na llinia de la presion constante na vindicacion de la oficialida de la llingua asturiana.
ResponderEliminar