23/12/11

Retayu de 675.000 euros nel presupuestu de Política Llingüística pal 2012


E.P. / Redaición
Francisco Álvarez-Cascos anunció un anteproyeutu de presupuestos con un techu de gastu de 4.208 millones. Pal añu qu'entra, Política Llingüística tien una partida prevista de 2.135.034 euros, 675.525 menos que nel 2011.

El Conseyu de Gobiernu aprobó unes cuentes que suponen un recorte del 6,3 por cientu con respeutu a les d’esti añu. El total de la reducción pal 2012 ye de 258.145.161 euros, una mengua importante que, sicasí, supón un incrementu del 1,8 por cientu en comparanza col presupuestu inicial del PSOE pal año 2011, cifráu en 4.133 millones. Nel anteproyeutu, los ingresos non financieros previstos ascienden a 3.808 millones d’euros, mentes que los gastos non financieros sitúense en 4.123 millones. Asina, la diferencia ente dambos importes ye inferior al 1,3 por cientu del PIB nacional previstu nel Plan d’Estabilidá pal 2012 y "permite cumplir con responsabilidá los mandatos del Conseyu de Política Fiscal y Financiera".

El xefe del Executivu destacó que s’autoriza a emitir endeudamientu nuevu por un importe máximu de 488 millones. En concretu, na seición de delda consígnense 312,6 millones frente a los 212,7 del presupuestu axustáu del 2011, lo que supón un 47 por cientu más. D’esi total, 175 se destinen a l’amortización del principal y los 137,6 restantes al pagu de intereses. Amás, les cuentes inclúin una rebaxa de 107 millones d’euros nos gastos de capital, lo que se traduz nun 13,5 por cientu en términos porcentuales. Nesi sen, el capítulu más afeutáu ye’l d’inversiones, que se reduz un 24,9 por cientu respeutu al añu anterior, por un importe total de 106 millones d’euros. El presidente xustificó esti descensu na necesidá de garantizar los gastos previstos pa la prestación de los servicios esenciales, ente los que citó la sanidá, la educación y el bientar social.

Fonte: Asturies.com

5 comentarios:

  1. Nun se porque y ni con qu'intenciones se llego a dicir que Foro yera un partíu asturianista fai falta esta noticia, lo de rtpa, l'alcuerdu con upyd , el pieslle del conseyu de la moceda, pasar olímpicamente de la selección asturiana, del estatutu nin falen etc. Pa entamar a ver les coses y la xente con claridá.

    ResponderEliminar
  2. más Asturias, mejor España quedó en menos o nada de Asturias, amamos España y su destino universal23 de diciembre de 2011, 14:05

    home eso taba nidio dende un principiu que nun moverían nin un deu por Asturies y muncho menos pola llingua.
    Vendieron fumu d'asturianismu,de la llingua del pais,...
    Llegó a dicise que diben aprobar la oficialidá ceo.
    Pero son lo que fonon siempre,un partíu español y españolista roxigualdón a los que España-yos pon.

    ResponderEliminar
  3. ...nun hai panchón...23 de diciembre de 2011, 15:34

    Nun hai perres, amiguín. Los sociatas del tragayón dexaron nes arques pufus y deudes, namás. Y agora lo del refrán: onde nun hai panchón toos entren en discutiniu. Puxa Asturies.

    ResponderEliminar
  4. Tisoria y más tisoria, he endel'problema. Nun hai perres nel bolsu'l gobiernín, gastáronles toes los del mandorga y cía.

    ResponderEliminar
  5. Agora en Madrid ensin faer nada y coles grandes fartures a toes hores va españar de puru gordu ¡qué mieu, collacios! y enriba... vaya representación d'Asturies.

    ResponderEliminar

Los comentarios tán pendientes de moderación. Espublizaránse lo primero dable.