El documental analiza esta tresformación vivida por Òmnium a lo llargo de los sos 50 años d'hestoria y entrevista una trentena de protagonistes pa qu'opinen sobro esta evolución.Ente otres voces ta la de la presidenta de la entidá Muriel Casas, l'ex-presidente de la Generalidad Jordi Pujol, pero tamién les de Pep Guardiola, Joaquim Nadal, Lluís Llach, Salvador Cardús, Raimon, Elisenda Paluzié, Josep María Espinàs, Albert Balcells, Martí Boada, Xavier Sardà, Toni Soler y Empar Moliner.Esti añu Òmnium Cultural cellebra'l 50u aniversariu de la so fundación con una riestra d'actos qu'amuesen la evolución que vivió la entidá nesti mediu sieglu. Cincuenta años dan pa muncho y el so seguimientu detalláu sedría inabarcable, pero si se mira con perspectiva, la hestoria d'Òmnium ye al empar la hestoria del pais y la de trés xeneraciones que convivieron.
Encamiéntovos que veaís esti documental.Ye la hestoria d'Òmnium Cultural, asociación que ñació en 1961 pa salvar al catalán del so desaniciu.Podría ser l'equivalente n'Asturies a Conceyu Bable en 1974.
ResponderEliminarLa hestoria d'una vindicación llingüística que tien abondes coses asemeyaes y paralelismos col nuesu casu.
Ye un espeyu nel que miranos los asturianos pol trabayu fecho d'encadarmar una sociedá esmolecio cola llingua del pais si ye que queremos que l'asturianu nun muerra con nós.
Ta perbién. Ye l'exemplu a siguir pal espoxigue del asturianu.
ResponderEliminar