La XDLLA concede’l pegollu al vinu Ḷḷumés y el madreñazu a César Movilla, alcalde de Noreña.
Pablo R. Guardado
La Xunta pola Defensa de la Llingua Asturiana (XDLLA) dio a conocer a los ganadores de los XXVII Premios Andrés Solar. El pegollu foi pal vinu Ḷḷumés y el madreñazu pa l’alcalde de Noreña, César Movilla.
La versión positiva del gallardón viaxa d’esta forma a Cangas del Narcea, en concreto a Bodegas Oblanca, onde se fai’l vinu Ḷḷumés, el primeru n’etiquetase n’asturianu. “La Xunta quier reconocer l’usu que fai de la llingua asturiana na marca Ḷḷumés, nun exemplu de normalidá y puesta en valor de les nuestres señes d’identidá. La visibilización social del idioma nun sector clave y la recuperación de la toponimia asturiana son dalgunes de les razones poles que se dan esti premiu”, señalen dende’l coleutivu ciudadanu.
Mentes, el madreñazu, la versión negativa, tien como destín Noreña. El alcalde del conceyu, César Movilla, recibe esti premiu “d’honor duldosu” pola “so actitú repetida de rechazu al usu de la llingua asturiana nel ámbitu de la so competencia, vulnerando d’esta manera tanto los drechos de la ciudadanía xeneral como la de los sos llexítimos representantes democráticos”. D’esta forma, Movilla sucede nel gallardón Herminio Sastre, ex conseyeru d’Educación y Ciencia. El ganador del pegollu nel 2010 foi’l programa ‘Camín de Cantares’ de la TPA.
Fonte: Asturies.com
Nun soi collacio de los premios por multiples razones pero si estos premios valen pa daqué pos meyor y esplico.
ResponderEliminarEl del pegollu que ye bono ye pa vinu Ḷḷumés esperemos que sigan asina y non sea solo una nueva manera d'espublizase que nun lo creo pol usu que nesa zona facen de la Llingua que ye abondo común el so usu.
El malu que ye el madreñazu ye pa César Movilla haber si fai camudar, que a mi me fae dudar, nun m'estrañaría que fixera l'efectu contrariu al deseyáu y que se sienta arguyosu de caltener intactu'l so españolismu ranciu.
El madreñazu pa Movilla tá bién dau, tendría que ser na cabeza conuna madreña del 55 y bien forte por qu'espabile d'una vegada esti tontu la fabona qu'acaldía ye más fatu.
ResponderEliminar