11/12/11

Iniciativa pol Asturianu entama a furrular


Iniciativa pol Asturianu

Fundación 2011
Información. Somos una asociación que trabaya pola normalización del idioma asturianu y pol reconocimientu de los drechos llingüísticos de los sos falantes.
Descripción. Atalantamos que l’asturianu ha ser vertebrador de la sociedá asturiana y que’l so usu ha ser treversal, afalando a les instituciones, organismos privaos y sociedá civil a tomar les midíes necesaries pa la so normalización como ferramienta de comunicación, elementu identitariu y patrimoniu cultural y económicu de la sociedá asturiana que ye.

L’ámbitu de trabayu de la organización ye l’actual territoriu de la comunidá autónoma d’Asturies, anque al traviés de la collaboración con otres organizaciones del dominiu llingüísticu asturlleonés, trabayaremos a comuña polos oxetivos yá citaos, y qu’atalantamos han llograse en tol territoiu onde l’asturianu o asturlleonés ye llingua propia.

Iniciativa pol Asturianu ye un coleutivu abiertu a toles persones esmolecíes pola situación del asturianu y comprometíes con cambiar esta situación.

Información xeneral. Trabayamos p’algamar espacios de normalidá pa la llingua asturiana, al traviés d’acciones concretes que mos permitan llegar a alcuerdos con entidaes de tou tipu que supongan afitar l’usu del asturianu n’ámbitos nuevos.

Iniciativa pol Asturianu trabaya pola busca de consensos y alcuerdos sobre l’usu del asturianu, pero tamién fai usu de campañes reivindicatives nes situaciones nes que ye necesario.

Iniciativa pol Asturianu trabaya, a nivel organizativu, puxando pa crear una rede nel territoriu asturianu que-y permita a la organización tener una presencia na cai en tolos conceyos del país, averando la reivindicación llingüística a tolos ciudadanos.

Apostamos por un modelu de reivindicación, qu’ensin escaecer el problema global de la situación del idioma, igüe problemes concretos nel usu del mesmu en tolos ámbitos.

Misión
1. Movilizar a la sociedá asturiana pol futuru de la llingua asturiana, dándo-y visibilidá al conflictu llingüísticu.
2. Recuperar pal asturianu l’espaciu central como llingua común de toles persones d’Asturies y de tol dominiu llingüísticu asturlleonés.
3. Afalar y collaborar con campañes de normalización llingüística.
4. Vixilar el cumplimientu de la llexislación llingüística vixente, defendiendo los drechos de los falantes a los que se-yos nieguen.
5. Trabayar pa la oficialización de tol corpus toponímicu tradicional asturianu, vixilando’l so usu per parte d’instituciones y empreses.
6. Controlar el cumplimientu de les polítiques llingüístiques comprometíes, asina como afalar mayores graos de compromisu llingüísticu per parte de les instituciones y otres entidaes.
7. Afalar la collaboración ente organizaciones de tol dominiu llingüísticu pa xenerar una conciencia ciudadana sobre la xunidá del idioma y trabayar p’algamar oxetivos comunes.
8. Internacionalizar la conocencia del idioma y del conflictu llingüísticu, al traviés d’acciones culturales y de la denuncia énte los organismos estatales ya internacionales de la situación irregular que viven los ciudadanos asturianos no que cinca a la cuestión llingüística. Amás de trabayar con otres comunidaes llingüístiques con situaciones asemeyaes en cualesquier llugar del mundu.
9. Afalar una reconocencia absoluta del asturianu como llingua oficial en tol territoriu asturianu, y xunto col eonaviegu o a fala na fastera correspondiente, amás de collaborar pa qu’esta reconocencia s’algame tamién nel restu de territorios onde l’asturianu ye llingua propia.
10. Reclamar un estatus xurídicu d’oficialidá pal asturianu dientro de los organismos europeos.

Direición de corréu lletrónicu: contautu@iniciativapolasturianu.org

Fonte: www.facebook.com/iniciativapolasturianu

17 comentarios:

  1. Iniciativa pol Asturianu tien una bona llista de propósitos pa ser cumplíos y de trabayu.

    ResponderEliminar
  2. Norabona por falar d'asturiano eonaviego y non de "gallegos-asturianos" que ye una aberración.

    ResponderEliminar
  3. Si la llingua ye asturianu, el Dominiu Llinguísticu ye Asturianu, del Asturianu, non del "ástur-lleonés".

    ResponderEliminar
  4. Esta noticia en si debería se bona polo tanto prestame, pienso que cualquier grupu de xente que s'esmoleza pola nuesa llingua ye bono, nun tendría de ser tema de controversia y me esplico yá esiste una asociación plural que se dedica ello y qu'intenta caltener una unidá alrededor a esti tema que ye la Xunta pero tamién ye verdá que nun tendría de sollertarnos tanto porque por exemplu en Catalunya esisten munches asociaciones d'esti tipu inclusive llocales polo tanto nun tien porque estropiar esa unidá, si lo que verdaderamente busquese ye la defensa d'una Llingua por supuesto.

    ResponderEliminar
  5. ¿sabeís quien formen esta asociación?

    ResponderEliminar
  6. Tolo que sía acabar col monopoliu del sindicalismu de la IU nel mundu de la llingua bienveníu sía. Esperemos que nun se cambie un dogmatismu comunista por otru dogmatismu sectariu nuevu.

    ResponderEliminar
  7. Manuel, quies dicir esa asociación que se diz defensora de la llingua y quier la dixebra de la llingua nel Navia-Eo?

    ResponderEliminar
  8. Naide quier nengún tipu de dixebres, l'únicu que paez quereles yes tu, amiguín.

    ResponderEliminar
  9. p'amiguín yá tas tu15 de diciembre de 2011, 14:09

    entós yeren esos qu'a mou de les camises pardes de l'Alemaña nazi perseguíen a los neofalantes y a tolos que nun pensaran como ellos dende el so búnker d'Asturies.com.Insultando,difamando ya diciendo-yos de too.Paez qu'había que ser filólogu pa ser falante.

    ResponderEliminar
  10. pal camisa parda esi15 de diciembre de 2011, 18:05

    Tas como un turuyu.

    ResponderEliminar
  11. Ca un espresa lo que piensa en llibertá y democracia ¿non?, pos eso.

    ResponderEliminar
  12. pal amiguín insultaor16 de diciembre de 2011, 13:51

    Claro y tu nun tas como dos turuyos.Non home,los camises pardes yeren otros y tu sí que tas como un turuyu. Eso que dices sí son argumentos razonables. L'insultar ye la to mena d'esistir.
    Nun reconocer que la XDLlA caltenía posiciones progallegues nel conflctu llingüísticu Navia-Eo ye como dicir que la Tierra ye plana.Aparte que paecía que yeren ellos los que daben los carnés d'asturianu/asturianía.

    ResponderEliminar
  13. caún espresa lo que piensa en llibertá y democracia pero ensin insultar y ensir mentires.
    Sí que ye un argumentu soltar una fatada pero nun aldericar constructivamente nin aportar nada. L'insultu ye'l requexu que-yos queda a los que nun tienen nin razón nin conocimientos nin educación nin saben nada de nada.Patuxar ye lo que-yos queda.

    ResponderEliminar
  14. Estes iniciatives perbones faen falta.

    ResponderEliminar
  15. Iniciatives sí, fataes non19 de diciembre de 2011, 10:13

    claro que sí.

    ResponderEliminar
  16. Faia falta Iniciativa pol asturianu20 de diciembre de 2011, 20:50

    Esa guardia pretoriana,esa Xestapo o Policia llingüística que tenía la Xunta que perseguía con métodos fascistoides emplegando los principios propagandísticos de Goebbels fixo desistir a xente d'apuntase a l'Asociación. Agora cola Iniciativa pol asturianu va acabase tratar o tar na mesma asociación qu'esa forgaxa xente.

    ResponderEliminar