6/12/11

IX pide que’l BOPA tea n’asturianu


Jesús Iglesias, cabezaleru d’Izquierda Xunida na Xunta Xeneral, va llevar a la cámara asturiana una proposición non de llei pa que’l Gobiernu d’Asturies “adopte los alcuerdos ya implemente les midíes necesaries que garanticen la espublización sistemática nel Boletín Oficial del Principáu d'Asturies (BOPA) de toles disposiciones, resolvimientos y alcuerdos de los órganos institucionales del Principáu, lo mesmo que de les lleis aprobaes pola Xunta Xeneral, n’asturianu y en gallego-asturianu”. Una midida prevista na Llei d’Usu y Promoción del Asturianu de 1998 pero qu’entá nun se llevó alantre.
Izquierda Xunida informó de qu’entrugó yá al Conseyu de Gobiernu per escritu sobre esta cuestión, respondiendo dende la institución executiva con un curtiu “Anguaño nun ta previsto”.

Pa Izquierda Xunida ye un bon momentu pa “cumplir coles previsiones de la Llei d'Usu y más agora, cuando la eliminación de la edición impresa del Boletín Oficial del Principáu d'Asturies amenorga los costos derivaos de tal midida".
L’artículu quintu de la Llei d’Usu de 1998 recueye que les disposiciones, resolvimientos y alcuerdos de los órganos institucionales del Principáu, amás de les lleis aprobaes pola Xunta Xeneral, puean espublizase n’asturianu, per aciu d’edición separtada del Boletín Oficial del Principáu d'Asturies.

Fonte: Asturnews

16 comentarios:

  1. Si heu d'anar demanant la presència de l'asturià en tots i cadascun dels àmbits en què no hi és present, no acabareu mai.

    El que cal fer és oficialitzar-lo d'una vegada i que, per defecte, tot hagi de ser en asturià. Si no, no feu més que perdre el temps i les energies en petites coses.

    ResponderEliminar
  2. Cola de llei d'usu y promoción del Asturianu pueden faese coses como estes pero volvemos a lo mesmo ensin la oficialida total solo podemos esperar migayes y voluntá (que normalmente sabemos cual ye). Espero nun equivocarme pero creo que el B.O.P.A espublizose dalguna edición en Asturianu pero como digo según interese o depende de la voluntá d'una persona en concretu.
    Sobre los costes otra de les mítiques escuses pa negar la oficialida pero bono nun esta mal lo de mentar lo de la edición dixital haber cual ye la escusa agora.

    ResponderEliminar
  3. ¿Y ... ónde taben?6 de diciembre de 2011, 17:41

    Ta perbién y ye bien lloable la iniciativa d'IX.
    Pero somos lexón los que entrugamos ¿qué tanto facer mientres mientres los munchos años en que foi'l sufito del partíu que fixu y desfixu n'Asturies, ye dicir col PSOE?
    Ye más, agora mesmu al meyor hasta promueven movilizaciones na cai.
    ¿Y va unos meses ónde taben?

    ResponderEliminar
  4. mamporreros internacionalistes6 de diciembre de 2011, 18:05

    taben zucando del tetu la FSA o acombayando con Areces el fartón

    ResponderEliminar
  5. A bones hores mangues roxes.

    ResponderEliminar
  6. ¿Por qué nun pidieron que'l cartelu de la "Semana Negrona" tea n'asturianu? Y lo mesmo tolo qu'ellos mesmos publicaron sólo na llingua castellana del PCE? Pa eso callaos como afogaos y enforcaos.

    ResponderEliminar
  7. Galafres y tragonos...7 de diciembre de 2011, 13:04

    Lo importante pa ellos ye'l rucu (de rucar) pero agora van de interesaos pola cultura y la llingua asturiana, agora que tan fartucus de xintar les migaxes de la man de Tini el tortielles. que como nun tien vergoña marcha pa Madrí a siguir fartucándose ensin dexar el puestu llibre pa otro, n'especial pa una xuventú perpreparada a la que tuvo llargando pa fora (pa Madrí n'especial) durante décades ¡¡¡Galafres y tragonos toos, páxaros y pardales!!!

    ResponderEliminar
  8. la vieya guardia nun dexa sitiu...7 de diciembre de 2011, 15:44

    Ye que los pseudodemócratas de la vieya guardia, nunca tienen abondu y aguantar a dexar el poder, nun lo ven como un serviciu al pueblu sinón como daqué propiu, daqué bien só y de tresmisión hereditaria familiar si ye posible y por eso aguantar a dexar sitiu.

    ResponderEliminar
  9. Neñín, la vieya guardia nun dexa sitiu...7 de diciembre de 2011, 15:46

    Neñín, ye que los pseudodemócratas de la vieya guardia, nunca tienen abondu y aguantar a dexar el poder, nun lo ven como un serviciu al pueblu sinón como daqué propiu, daqué bien só y de tresmisión hereditaria familiar si ye posible y por eso aguantar a dexar sitiu.

    ResponderEliminar
  10. Pal de neñín dici-y que tien tola razón, que son unos caradures, ¡oficialidá yá!

    ResponderEliminar
  11. Hai que ver o buscar siempres l'aspeutu positivu de les coses y por tantu d'esta propuesta porque ye bien interesante, más vale tarde que nunca.

    ResponderEliminar
  12. Sí, pero nun hai que fiase d'esta xente que mientres años diz unes coses y depués siempres fai otres bien distintes, a lo menos nesta tierra.

    ResponderEliminar
  13. L'aparatu asturianu del PSOE con Areces na cabera enxamás dexó a los suyos nin a los sos socios collaboradores de una IX por demás obediente, mientres tolos sos llargos años de mandatu. Asina qu'agora nun tienen nenguna credibilidá nin unos nin otros.
    Lóxicu ¿non?

    ResponderEliminar
  14. La lóxica imponse II...9 de diciembre de 2011, 17:25

    mientres tolos sos llargos años de mandatu ...nun dexó defender nin puxar pola llingua asturiana.

    ResponderEliminar
  15. Tranquilos y nun seais provecíu que la oficialidá va llegar en curtia y si non al tiempu.

    ResponderEliminar
  16. al zampabollos fartón acabósele'l rucu n'Asturies pero va siguir rucandu y zampando bien de tortielles y mariscu (y perres) en Madrid.

    ResponderEliminar

Los comentarios tán pendientes de moderación. Espublizaránse lo primero dable.