La conferencia mensual de l'asociación cultural Ástura tien como convidáu pa esti mes a Lisardo Lombardía que faló del interceltismu, un conceutu que quier valorizar los parelelismos culturales nel Arcu Atlánticu.
L'Interceltismu entamó a tomar cuerpu na primer metá del sieglu XIX y foi un elementu dinamizador nel desendolcu del movimientu rexonalista bretón. Por embargu, ye dempués de la II Guerra Mundial, y en concretu cola fundación del Festival Intercélticu de Lorient (FIL) qu’esi conceutu va tresformase en catalizador de verdaderes rellaciones ya intercambios culturales y mesmo económicos nel marcu de la construcción europea.
Asturies, reconocida na so espresión cultural y artística na familia intercéltica, tien que desendolcar tamién estos contautos paralelos que deberíen contribuyir a granibles acuerdos económicos.
Lisardo Lombardía, presidente de la Fundación Belenos y dende 2007 ye director xeneral del Festival INtercélticu de Lorient, faló d'esti movimientu social, cultural y económicu cola so proyeición de futuru y les ventayes que tien p'Asturies.
Foi esti martes 20 a les 20:00h., na sede del Atenéu Obreru de Xixón (C/Cuadonga, 7- Xixón)
Fonte: YeXixon.com
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.