12/12/16

Decenes de coches participaron na 'Caravana pola Oficialidá' de Gozón y Carreño

2ª Caravana pola Oficialidá

Más de 70 vehículos partieron del Cabu Peñes hacia Candás na mañana del sábadu.
Nun ambiente festivu los participantes percorrieron los conceyos de Gozón y Carreño pa "visibilizar y denunciar la situación de marxinación, acosu y falta de derechos que sufre la llingua asturiana y les persones que quieren usala", esplicó la Xunta pola Defensa de la Llingua Asturiana (XDLA) nel comunicáu lleíu nesta segunda etapa de la 'Caravana pola Oficialidá'. Asina, pasaes les 11.30 hores una filera de más de 70 coches, que foi creciendo mientres la ruta prevista, salió del Faru de Peñes pa cruciar depués Lluanco y otres poblaciones de los dos conceyos y finar en Candás.
Tres la etapa de Bimenes y parte del valle del Nalón y de la de Gozón y Carreño, van entamase otros percorríos informativos próximamente sobre la situación del idioma cola fin de visibilizala y esixir "lo necesario, que ye'l reconocimientu de los derechos fundamentales de la ciudadanía, que ye la declaración del asturianu como llingua oficial".
Fonte: asturies.com

4 comentarios:

  1. Hai que facela per Uviéu dende Xixón.

    ResponderEliminar
  2. Foi una bona idea faela per Gozón y Carreño a ver si acaben l'agarraes ente un alcalde y una alcaldesa tan poco amantes del asturianu.

    ResponderEliminar
  3. Alcaldes de Candás y de Lluanco: oficialidá del asturianu ¡yá! y déxense de puyes, agarradielles, y disculpes rares.

    ResponderEliminar
  4. Gozón y Carreño ye territoriu apache; ¿porqué?... porque los sos alcaldes nun dexen de faer l'indiu.

    ResponderEliminar

Los comentarios tán pendientes de moderación. Espublizaránse lo primero dable.