Na Semeya los premiaos, xunto a les autoridaes y los miembros de los xuraos de los premios.
El paraninfu de la Universidá d'Uviéu acoyó esti xueves la gala d'entrega de los Premios Lliterarios, la gran fiesta de les nueses lletres. Genaro Alonso, conseyeru d'Educación y Cultura, destacó que "en poco más de trés décades consiguimos crear un corpus lliterariu propiu y cultu al altor de cualquier lliteratura moderna".
El rector de la institución universitaria, Santiago García Granda, encargóse d'abrir l'actu, que tuvo presidíu tamién, xunto con Alonso, por Cristina Valdés, direutora xeneral d'Universidaes y Investigación, y Fernando Padilla, direutor xeneral de Planificación Llingüística y Normalización. Na so intervención, el responsable d'Educación y Cultura recordó l'aniciu d'estos gallardones, col Primer Concursu de Narraciones Curties Diputación d’Asturies, nel 1980, y emponderó la evolución de les nueses lletres nesti tiempu.
"Ye llargu'l camín andáu. Ye muncho lo escrito y munchos los finxos algamos", siguó Alonso, que calificó la gala de "actu d'agradecimientu y reconocimientu" a los escritores "testigos una vegada más de la vitalidá y escelencia" de la lliteratura asturiana. Pa finar, citó a los cinco ganadores de los gallardones d'esti añu, "verdaderu valedores d'esti gran árbol de les lletres asturianes, corresponsables a la fin de la so evolución y ésitu".
Los premiaos del 2016 son Xulio Arbésú, con 'El valor del rei' (XXXVII Premiu Xosefa Xovellanos de novela); Ángeles Carbajal, con 'Un vasu d'agua' (XXII Premiu Xuan María Acebal de poesía); Vanessa Gutiérrez, con 'El paisaxe nuestru' (XXII Premiu Máximo Fuertes Acevedo d’ensayu); Adolfo Camilo Díaz, con 'La mar' (IX Premiu María Xosefa Canellada de lliteratura infantil y xuvenil): y Luis Navazo, con 'Indianu' (VIII Premiu Alfonso Iglesias de cómic con ‘Indianu’). Toos ellos recibieron un 'Árbol de les lletres', una pieza artística esclusiva de l'artista Charo Cimas.
La nota musical del actu púnxola Tuenda, el tríu formau por por Xosé Antón Fernández 'Ambás', Elías García y Pepín de Muñalén, qu'interpretó delles pieces. Fonte: asturies.com
Genaro Alonso, munches promeses y muncha palabrería pero siguimos ensin oficialidá. Tamos como de primeres de los famosos trés años, igual que colos tos antecesores nel cargu: NADA.
ResponderEliminarPal amigu Roberto: el casu de Genaro Alonso ye otra oportunidá fallida, una gran pena, bien poca cosa.
ResponderEliminarPallabres, Robertín, namás que pallabres guapes y promeses nebuloses, un montón de bones intenciones, pero a lal fin... nun hai oficialidá.
ResponderEliminarUna pena, otru conatu d'oficialidá, esta vegada dende Educación, nuevamente fallíu.
ResponderEliminarGenaro Alonso ye otru fracasu, oytru fiascu pa la oficialidá, y yá van tropecientos.
ResponderEliminarEso ye, una auténticu fiascu pa los asturfalantes.
ResponderEliminar