12/4/16

Podemos abre camín al plan de Genaro Alonso pa la especialidá docente

Podemos abre camín al plan de Genaro Alonso pala especialidá docente
Nuna proposición non de llei, presentada esti llunes día 11, Podemos reclama que “los cuerpos de catedráticos y de profesores d’Enseñanza Secundaria puedan tener asinamesmo, a pitición de la comunidá autónoma y sigún necesidaes educatives, la especialidá propia de la llingua respeutiva”, abriendo-y camín al plan del Conseyeru d’Educación.
La diputada de Podemos Asturies Sofía Castañón y el diputáu de Podemos Aragón Jorge Luis Bail presentaron nel rexistru del Congresu una proposición non de llei, pal so debate y aprobación na Comisión d’Educación de la cámara baxa, que pide que naquelles comunidaes autónomes nes qu’esistan llingües non oficiales que gocen de proteición oficial y formen parte del currículu, los cuerpos de catedráticos y de profesores d’Enseñanza Secundaria puedan tener «asinamesmo, a pitición de la comunidá autónoma y sigún necesidaes educatives, la especialidá propia de la llingua respectiva».
La proposición prevé que «les alministraciones correspondientes van determinar l’atribución docente a les mentaes especialidaespor analoxía colo dispuesto nel real decretu pa la especialidá de llingua castellana y literatura».
La proposición non de llei presentada pola parllamentaria xixonesa y pol parllamentariu oscense tamién pide «tomar en consideración» un dictame del Conseyu Escolar del Estáu«modificando’l Real Decretu 665/2015, de 17 de xunetu, pol que se desarrollen determinaes disposiciones relativas al exerciciu de la docencia na Educación Secundaria Obligatoria, el Bachilleratu, la Formación Profesional y les enseñances de réxime especial, a la formación inicial del profesoráu y a les especialidaes de los cuerpos docentes d’Enseñanza Secundaria».
Sofía Castañón y Jorge Luis Bail consideren necesario que los poderes públicos se comprometan a garantizar la enseñanza del asturianu y del aragonés «en tolos niveles y graos nos términos qu’estipulen les determinaes lleis y disposiciones normatives autonómiques y que se garantice al profesoráu d’estes llingües los mesmos derechos que s’otorguen al d’otres llingües d’España que sí son cooficiales».
Fonte: Asturnews

4 comentarios:

  1. Con Podemos poques chancies porque siempres empieza nidia y guapu pero acaba mordiendo.

    ResponderEliminar
  2. ...y apañando,Nano, y apañando: Ripa y la so falsa beca.

    ResponderEliminar
  3. Enforma güeyu y bien de cuidu, coyer les piedres que vienen los de Podemos.

    ResponderEliminar
  4. El Conseyeru d'Educación asturianu Genaro Alonso va dexase asesorar pola doctora Sofía Castañon posesora de tropecientos másteres y seis o siete cátedres n'Educación y Filoloxía Clásica, Hispánica, Asturiana, y Economía; casi nada. Ye qu'estos de Podemos son toos bien "sabios".

    ResponderEliminar

Los comentarios tán pendientes de moderación. Espublizaránse lo primero dable.