Les primeres pallabres que salen de la so boca son en castellanu, pero un par d’entrugues sirve pa que se suelte y entame a falar nun asturianu correutu’l restu de la entrevista. Emilio León Suárez (Xixón, 1977), candidatu de Podemos Asturies a la presidencia del país, recíbenos na sede de la formación n'Uviéu, onde'l so equipu trabaya a estayu de cara a les eleiciones de mayu.
Oficialidá, ¿sí o non?
Oficialidá, ¿sí o non?
Nós tamos agora mesmo nel puntu clave pa recoyer les propuestes que se van treslladar al programa. Dende l’entamu diximos que nun se diben a poner en cuestión la defensa de derechos básicos. Hai xente que dicía, de manera un poco demagóxica, “ye que van discutir los derechos de les muyeres y de los negros”, y non, nun se van discutir los derechos llingüísticos. L’alderique yera cómo garantizalos de la meyor manera, a curtiu plazu y a llargu plazu. Cualquiera que tea pola defensa de los derechos llingüísticos de los falantes d’asturianu, y gallego-asturiano na so dómina, va quedar contenta, toi convencíu, col resultáu. Daniel Ripa y yo vamos defender la propuesta que fai Lluismi Orviz na que se formula de forma nidia que l’horizonte a llargu plazu pa la defensa de los derechos llingüísticos tien que pasar por una reforma del Estatu na que s’incluya la cooficialidá del asturianu nel campu llingüísticu.
Siempre insistimos muncho que queremos qu’haya oficialidá en munchos derechos: derechu a la vivienda, a un trabayu dignu y derechu a que se nos respete como ciudadanos, y eso inclúi a la xente que fala n’asturianu, que nun tien por qué tar discriminao. Pagamos toos los mesmos impuestos y nun pue haber ciudadanos de primera y de segunda según la llingua que fales, pero forma parte too d’una visión de conxuntu, y entós ésta ye la propuesta que personalmente vamos defender pa que s’incluya nel programa, que se tien que refrendar. Ha de ser un programa de la xente del pueblu asturianu onde nun se van aprobar o proponer coses que vayan en contra de lo que consideramos derechos fundamentales como ye’l respetu a les llingües.
Fonte: Asturies.com
Benvinguts a la claredat.
ResponderEliminarA la claridá de la coleta democrática venezolana? Non fotis...
ResponderEliminarTou cuentu, y l'oficialidá ¿para cuándo, "amigu" León? pal sieglu próximu o pal día del xuiciu final? ¡CUENTU! con amigos del asturianu como esta banda nun faen falta enemigos.
ResponderEliminarAgora "Pablito allegríes" pon de moda bien snob l'usu de la coleta (quien non se'l dexe échase-y del grupu-casta) y en camisa coles mangues remangaes hast'al coldu (nin más arriba nin más embaxu), amás de los sos bien misteriosos círculos (¿qué van opinar de la oficialidá del asturianu?)... mamina que vien el llobu.
ResponderEliminar¡El güeyu bien abiertu! que dalgún como Monedero yá lu sufrió nes sos propies carnes ya idees. Ye l'ideólogu fundador y amás de les perres y yá-y dieron la patada en culu por opinar distintu. Y mentanto de la oficialidá ¿qué?