La emisora pública asturiana RPA va emitir a lo llargo de la Selmana de les Lletres, ente’l llunes 4 y el vienres 8 de mayu, una programación especial por cuenta d’esta efeméride.
Trátase d’una propuesta fecha dende Goxe Producciones que consiste nun paquete de quince pieces d’una duración de diez minutos, nelles van tratase temes como: 40 años de Conceyu Bable, historia de la llingua asturiana, la so situación na enseñanza, la creación lliteraria, la normalización social, la tresmisión xeneracional, la reivindicación llingüística, la música asturiana, el gallego-asturianu o los premios lliterarios del Gobiernu d’Asturies. En formatu de reportaxe van tratándose toos estos asuntos, cola participación de más de trenta intervinientes de los más variaos campos, casu de Xosé Lluis García Arias, Xuan Xosé Sánchez Vicente, Lluis Xabel Álvarez, Ana Cano, Xulio Viejo, Penélope Miranda, Ramón d’Andrés, David Guardado, Iris Díaz Trancho, Pablo Xuan Manzano, Antón García, Esther Prieto, Ingnaciu Llope, Ismael Arias, Nacho Fonseca o Yolanda Huergo, ente otros munchos.
De les quince pieces cinco van dedicase a ufiertar l’axenda diaria d’actos entamaos per toa Asturies que tienen como protagonista a la XXXVI Selmana de les Lletres, a dar una recomendación lliteraria y a una entrevista especial con profesionales d’ámbitos estremaos que falen n’asturianu del so llabor y esperiencies, ente ellos l’actriz María Cotiello, el deportista Fernando González o’l cocineru Lluis Nel Estrada; quierse con ello dar una visión de normalidá na comunicación en llingua asturiana, amosando’l so valir como ferramienta d’espresión válida pa la sociedá actual.
La emisión d’estos espacios va facese en distintos horarios, siempre depués de los informativos, repitiéndose a lo llargo de la selmana. Otra manera, tamién van tener reflexu nes redes sociales, onde va dir dándose información sobre ellos.
L’equipu encargáu d’iguar esta programación especial ta formáu polos periodistes Xicu Ariza y Damián Barreiro, la llocutora Mely Fernández, el técnicu Xuan Xosé Mariño, el músicu Sergio Rodríguez y el productor Xune Elipe, que quieren facer constar la so satisfacción pol resultáu final y animen a la so escucha, al traviés de la que va tenese una visión xeneral y completa de la situación actual del nuestru idioma.
Fonte: Infoasturies
Pa la RPA una selmana al añu (Selmana de les Lletres Asturianes) con programes especiales n'asturianu nun ye solución, nun ye "la solución" precisamente, ye un parche que nos suena a gran tomadura de pelo.
ResponderEliminarRecuérdanos a aquello de que "una vegada al añu nun fai dañu", y añedo ¿a quién nun fai dañu?
Home, gràcies "bwana". Només faltaria!
ResponderEliminar150 minuts de programació i perquè és la Setmana (de cinc dies) de les Lletres Asturianes em sembla un gran homenatge. Les altres 51 setmanes (de set dies) no cal dissimular i es pot fer 24 hores seguides de programació en castellà sense interrupcions folklòriques.
RTPA, ¡vaya banda!
ResponderEliminar...la banda d'Alí Babá quédase pequeña. amás atraca con recochineo.
ResponderEliminarEl programa especial a mi paezme bien, el problema ye que los que tamos a favor del Asturianu esto nun sirve de na.
ResponderEliminarYe hora de que tanto la Rtpa como los medios d'información nesti caso de televisión y de radio. tengan un plan de normalización llingüística, nel que l'usu del Asturianu sea habitual pa to tipu de programes (nun solo humor ) informativos, documentales de ciencia etc.
Si tán viendo la gran aceptación y siguimientu del asturianu na RTPA y na audiencia en xeneral ye del tou incomprensible que nun sigan esa llinea anque solo fora pol so interés comercial.
ResponderEliminar