26/4/15

Abiertu'l plazu de solicitú pa participar na Axenda didáctica escolar por parte de los centros escolares



Los centros interesaos en participar na Axenda Didáctica Escolar d’anguaño van poder formalizar les sos solicitúes hasta’l día 5 de mayu del 2015, inclusive; han presentar modelu de solicitú debida­mente cubiertu según figura nel Anexu I de les normes de participación (Resolución de 28 de xineru del 2013, de la Conseyería d'Educación, Cultura y Deporte, pola que s'establecen les normes de participación na Axenda Didáctica Escolar (BOPA de 12-II-2013), modificada por Resolución de 24 de setiembre del 2014, de la Conseyería d’Educación, Cultura y Deporte. Cada centru ha solicitar siempre 4 proyeutos, marcando un orde de preferencia (con calter escepcional, cuando nun s’ufierten proyeutos suficientes pal grupu d’etapes o variedá llingüística podrán solicitase menos proyeutos, siendo valorada la mentada solicitú pola comisión).

La solicitú tien que la facer el direutor/a, xefe/a d’estudios o secretariu/a del centru y la fecha de cada actuación ha alcordase ente la entidá participante y el centru educativu. Ha cuntar col preste de la Direición Xeneral de Política Llingüística.

Énte la posibilidá de que’l númberu de solicitúes supere la ufierta, aconséyase que los centros d’una mesma zona alcuerden solicitar de forma conxunta l’asistencia a una de les actividaes, axuntando a la solicitú l’alcuerdu por escrito de tolos centros participantes (cola firma de los sos direutores).

L'Anexu I y les fiches de cada proyeutu van poder descargase na páxina web www.educastur.es.

Fonte: Asturnews

6 comentarios:

  1. Paezme bien esti tipu d'iniciatives que solo sirven p'averar la cultura asturiana (teatru,musica, llingua etc ) a la educación.
    Son necesaries y nun son pa nada incompatibles con esixir qu'el asturianu y la cultura asturiana te en tolos niveles educativos

    ResponderEliminar
  2. Ye una bona oportunidá pal sofitu a les salides y actividaes escolares ya extraescolares de conteníuj curricular., ye un recursu didácticu de primer orde. Y hailes tamién en pro del asturianu.

    ResponderEliminar
  3. Agora ye'l momentu precisu pa participar na Axenda Didáctica y n'asturianu.

    ResponderEliminar
  4. N'asturianu, sí, n'asturianu. Participar n'asturianu por que se publicar y fáigase y realice tou n'asturianu, depende de toos y de cada unu de nós.

    ResponderEliminar
  5. En castellán y/o asturianu ye un perbón sofitu pal profesoráu.

    ResponderEliminar
  6. L'Axenda, yá dende va bastante años, ye un proyectu genuinamente asturianu bien interesante pal profesoráu -y pal alumnáu- de cara a faer una escuela más eficaz enfocada a la inmersión na sociedá que-yos toca vivir de llenu. Y una prueba d'ello ye la cantidá de copies que d'esti sofitu didácticu asturianu lleven faciéndose en munches autonomíes españoles y tamién nel estranxeru.

    ResponderEliminar

Los comentarios tán pendientes de moderación. Espublizaránse lo primero dable.