1/4/15

Ruitiña presenta ‘El Batallón Galicia’, obra en fala que supón el so debú como novelista

   ‘El Batallón Galicia’ ye la primer novela del periodista Cristóbal Ruitiña, narración na llinia de la non ficción qu'avanza ente la memoria personal y la historia coleutiva. Esta obra, escrita en gallego-asturiano y editada por Impronta, va presentase esti Xueves Santu en Grandas.
   “Un licenciado en paro viaxa a Grandas de Salime, d’unde é a súa familia, pa facer un trabayo temporal. Chega cuando empezan as escavacióis pa recuperar os restos d’un grupo de republicanos axusticiados alí al caer Asturias, nos últimos días d’outubre de 1937. Son el Batallón Galicia”, principia la reseña de la editorial sobre esta obra de Ruitiña. El protagonista descubre darréu que’l so güelu, un llabrador del conceyu, perteneciera a esta compañía formada por antifascistes gallegos que mientres la Guerra Civil fuxeren a Asturies per Grandas y principa a investigar sobre la figura del so familiar y la del comandante José Moreno, “úa lienda na contornada”. “Os dous coinciden en Xixón. Combaten baxo el mando del Goberno asturiano. Os dous escapan da derrota y os dous avanzan hacía a derrota”, destaca.
   “El Batallón Galicia, fuerza d'élite del exércitu asturianu, combatió nos frentes d'Uviéu, Euskadi y Llión. Taba formáu mayoritariamente por gallegos, anque tamién por asturianos, los más d'ellos de la parte occidental. Amás de los miembros del Galicia, na novela garren protagonismu otros mandos del exércitu d'Asturies como el castripoleño Luis Bárzana, el mayor Garzaball o el teniente coronel Linares, xefe del estáu mayor del Conseyu Soberanu d'Asturies y Llión. Amás de la vida cotidiana na capital de l'Asturies republicana, Xixón, la narración recrea les acciones béliques nes que participó el Batallón Galicia, tanto nel frente d'Uviéu, como nos d'Euskadi y Llión. También reconstrui les operaciones de la resistencia republicana nel naviaeo, con datos hasta agora inéditos”, esplica l’autor nacíu en Cangas sobre la so primer novela.
Na Casa de Cultura         L’actu de presentación de ‘El Batallón Galicia’ va tener llugar mañana, a les 18 hores, na Casa Cultura de Grandas. L’autor va tar acompañáu nesti eventu por Eduvigis Valledor, direutora del Colexu Públicu d’Educación Básica El Salvador, y l’escritor Xosé Miguel Suárez Fernández ‘Tapia’.                                                                                               Fonte: asturies.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.