EQUO Asturies defende’l derechu de los padres y madres d’educar a los sos fíos y fíes n’asturianu. Creemos que tener una llingua propia ye bonu pal nuesu país y amás sirve a la xente mozo a abrise a otres llingües y cultures.
EQUO Asturies entiende que la finalidá de la educación nun ye crear trabayadores sumisos, sinón faer ciudadanos comprometíos, por eso creemos que la calidá de la educación nun ye namás l’informe PISA, tamién lo ye conocer d’onde venimos y como fueron, vivieron y falaron los nuesos güelos. Namás asina vamos poder entender meyor el mundu nel que vivimos. Ye por ello polo que sofitamos les reclamaciones de los y les profesores d’asturianu y gallego-asturianu y que se garantice el derechu al so estudiu en toles estayes del sistema educativu.
“Esta reforma ta marcada pol componente ideolóxicu, non por cuestiones técniques y nun busca’l consensu. El ministru Wert ta más ocupáu n’atender a los sos intereses políticos qu’a sirvir a la ciudadanía”, afirma Adrián Blanco coportavoz d’EQUO Asturies.
EQUO Asturies ta convencida de que la sociedá asturiana ye abondo madura y que sofita la oficialidá del asturianu, y del gallego-asturianu nel so ámbitu llingüísticu, polo qu’encamienta a les fuerces presentes nel Parlamentu Asturianu a entamar los trámites necesarios p’aprobala.
EQUO Asturies remite a tales fuerces a cumplir los alcuerdos y protocolos suscritos polos distintos gobiernos españoles ante organismos como la UNESCO o’l Conseyu d’Europa y cumplir cola Carta Europea de les Llingües Minorizaes o Rexonales, recordando que la diversidá llingüística forma parte de la Biodiversidá.
Fonte: Equo Asturies
Wert y la so llei nun tien res que ver nel asuntu. La tema ta nes manes de la conseyera asturiana que ye quien que aprebar lal oficialidá y dempués vien tolo demás. Ella alega que nun hai perres pal asturianu y non hai perres pal desendolcu de los drechos de los pas, los neños y neñes, y les educadores de Educación Infantil de 0 a 3 años. Ye potestad única de la Conseyera d'Educación... y non del ministru Wert, a ver si lo queremos entender de una vegada por toes, que esa ye otra.
ResponderEliminarEquo xuega a medies tientes pa confundir al personal, nun xuega llimpiu. Vamos ver, Wert ya dixo fae munchu tiempu que una vegada OFICIALIZADA la llingua asturiana pol gobiernu asturianu nun hai nengún problema posterior pa nada de nada, ni pa la financiación central correspondiente. Pero el requisitu ye esi ¡la oficialidá! y quien tien qwue aprobalu ye la Conseyería d'Educación d'Asturies. Así que menos llobos y más realidá. Más claru, agua.
ResponderEliminarLa Conseyera ayeri nos medios televisivos dixo que'l problema ye la falta de financiación: que nun hai perres pa la normalización del enseñu de educación infantil 0-3 y muncho menos pal asturianu nes colexos ya institutos, y ta perclaru que munchísimo menos pa la oficialidá del asturianu. Eso ye lu que diz la Conseyera. Vamos dexar a Wert a un llau porque si se oficializa la llingua asígnase financiación de Madrid pa ello como en Cataluña, Euskadi, Galicia, Valencia, etc Vamos ser claros, ¿eh, Equo?
ResponderEliminarEquo equivócase de nuevu (¿a propósitu, o por erru manifiestu, o por ignorancia supina?), paez que esiste intención rara nel asuntu. LA OFICIALIDÁ YE LA PIEDRA ANGULAR de la trama, nun hai otra alternativa. La financiación de la llingua vien detrás poro parte del estáu central madrilanu por llei.
ResponderEliminarEquo Asturies defende la oficialidá ensin ambigüedaes, lo qu'amerita reconocencia viendo les duldes d'otros partíos.
ResponderEliminarHai bien de duldes, Enol.
ResponderEliminary muncho cuentu tamién.
ResponderEliminar