20/3/15

XIV Selmana Cultural en Cangas del 23 al 27 de Marzu


   Demientres los próximos díes 23 al 27 de marzu, Cangas del Narcea va celebrar la so XIV Selmana Cultural, con un perinteresante programa d'actividaes que va entamar el llunes día 23, cola inauguración de la esposición colectiva d'artistes cangueses que se presenta sol lema "Arte con denominación d'orixe" y un cartelu de Neto. La cita va tener llugar na Casa de Cultura "Palacio Omaña", a partir de les 19 hores y la esposición, va poder visitase mientres tola selmana nel horariu d'apertura de la Casa de Cultura.

   El martes 24 va acoyer la proyeición del documental "La Descarga: documental de Cangas", curtiumetraxe protagonizáu pola canguesa Foína del Pocu y Juan Ramón Lucas "Quédate equí". El miércoles 25 la protagonista va ser lamúsica de la mano del tenor d'orixe cangués Moisés Molín, quien va cuntar col acompañamientu al pianu d'Olga Semosine. El conciertu va tener llugar nel Teatru Toreno, a partir de les 20,30 hores.

   El xueves 26 volverá ser xornada musical, col conciertu la violinista canguesa Belinda Álvare nel Teatru Toreno, a partir de les 20:30 hores. Y pa finar, el vienres 27, la cantante Tania Pereira y la so banda van pesllar la XIV Selmana Cultural nel Teatru Toreno, a les 20,30 hores.
                                                                              Fonte: asturnews.com

5 comentarios:

  1. Cangas proyecta cultura y asturianismu por tola contorna.

    ResponderEliminar
  2. En Cangas la xente vive pol astrurianu.

    ResponderEliminar
  3. Ye la selmana grande de les lletres y les artes asturianes, el martes col documental La descarga bien interesante pa los cangueses.

    ResponderEliminar
  4. Güei entama la selmana de les lletres y el arte cangueses, faru cultural de tola fastera dende'l palaciu d'Omaña.

    ResponderEliminar

Los comentarios tán pendientes de moderación. Espublizaránse lo primero dable.