Pintada de 1981 reivindicando la llingua nes escueles
Iniciativa pol Asturianu denuncia la situación que-y espera a l’asignatura de Llingua Asturiana en Bachilleratu de confirmase los planes de la Conseyera d’Educación del Gobiernu d’Asturies, Ana González, y que pudieron sabese estos díes pol borrador del currículu unviáu a los centros educativos asturianos. Un borrador nel que la Conseyera González vuelve a usar la LOMCE pa escudase y atacar a la llingua asturiana, recortando 3 de les 4 hores selmanales que tien l’asignatura optativa.
Pa Iniciativa pol Asturianu esta decisión ye llamentable y un ataque directu al nivel educativu nel que l’asignatura tien una situación más feble, pues ye en Bachilleratu onde hai un menor porcentaxe de matriculación, frutu de les polítiques d’Educación n’Asturies, qu’eviten que l’asignatura pueda ser materia evaluable na PAU, faciendo que munchos alumnos prefiera optar por otres materies que sí-yos puntúen p’acceder a places universitaries.
Esixen a la Conseyera que retire de manera inmediata esti borrador de currículu y que dexe a l’asignatura de Llingua Asturiana pelo menos nes mesmes condiciones (yá negatives) que tenía hasta agora en Bachilleratu.
Según denuncien tamién, "l’asignatura tendrá que competir con otres llingües estranxeres y con Relixón, nuna situación inxusta y absurda. La Conseyera dicía va poco tar esforzándose por consiguir la especialidá docente pal profesoráu d’asturianu. Agora vemos cuáles son les sos verdaderes intenciones".
Esta situación vienen denunciándola organismos internacionales como’l Conseyu d’Europa o la UNESCO "y ye la que ta llevando a la llingua asturiana a la marxinalidá y la desapaición y por ello, dende Iniciativa pol Asturianu esiximos a la Conseyera Ana González que dea esplicaciones y nun recorte todavía más la presencia del asturianu en Bachilleratu, pa lo que-y fadremos llegar un entruga que s’entregará nel Rexistru del Gobiernu d’Asturies", finen apuntando. Fonte: Infoasturies.net
Ye un posible recorte del 75% de les hores de Llingua Asturiana y de Gallego-asturianu en bachilleratu que ye muncho.
ResponderEliminarLos retayos na educación en llingua asturiana calquen nel etnocidiu llingüísticu del nuesu país.
ResponderEliminarAixò passa perquè no us assessoreu. Si aneu a Mallorca, podeu demanar pel Sr Bauzá o la seva consellera d'educació, que estaran encantats d'explicar-vos com es fa una escola trilingüe amb un 33% de castellà, un 33% d'anglès i un 33% de català.
ResponderEliminarA més, com que són del PP, segur que el PP vostre accepta la proposta amb els braços oberts. I només heu de canviar on diu català que digui asturià.
Munchos con autoridá y que podríen liderar más coses tán bien contentos y satisfechos colos movimientos culturales llingüísticos de puertes académiques adientro, dalgunos con perbones subvenciones del gobiernín asturianu, pero namás qu'eso. Recordáis aquello de qu'el que se mueve nun sale na semeya? ...y toos tranquilos.
ResponderEliminarEn cuestión de la llingua asturiana caminamos dos pasos alantre y unu atrás.
ResponderEliminarHai dellos y delles que venlu too prietu.
ResponderEliminarBable nes escueles... ¡Bable nel parlamentu asturianu!
ResponderEliminar