El centru d'arte xixonés LABoral va acoyer dende'l viniente 15 d'abril una esposición cola multidisciplinar obra de Nel Amaro (Quentuserrón, Mieres, 1946-Uviéu, 2011), artista qu'entendió la so vida como una forma d'arte: "una tentativa totalizadora y desmaterializada, la de convertir la vida n'arte, que fai de tolos xestos una ferramienta político pal tresformamientu social, xuntu con una postura vital innegociable frente a la realidá".
Presu políticu mientres el final del franquismu, a partir de los años 70 Nel Amaro publicó llibros de poemes, noveles, teatru, ensayos, cómics, cuentos y artículos. Per mediu del usu del asturianu, la so lliteratura dexaba testimoniu de la problemática social que, entós y agora, viven les cuenques mineres asturianes. Esta amuesa documental de la so carrera recueye materiales a partir de 1988, añu nel que se dedica a la poesía visual como parte del colectivu Auxilios Mutuos.
Esta amuesa recueye distintos documentos y tamién obres de les sos múltiples facetes como creador. Dende fanzines o otres publicaciones nes que participa, al so trabayu alrodiu l'arte per corréu (mail-art), unviando mensaxes al traviés d'imaxes y oxetos, y tamién a la poesía fonético y visual pa, finalmente, desaguar nel ámbitu de l'aición. A partir de los años 90 Amaro convirtióse n'unu de los más destacaos representantes asturianos de la performance, amás d'una figura clave pa entender el trabayu en rede enantes de la rede. Fonte: Infoasturies.net
Cuidu que vien el pirata col so perru.
ResponderEliminarSuxetar bien les mochiles que va haber vientu.
ResponderEliminar